Қани энди...

Бу йил футболимиз турли туман воқеаларни кўрди. Яхшилик ҳам бўлди, дил хиралик ҳам. Адолату, адолатсизликлар. Бўлар иш бўлди, йиллар давомида бўлиб келаётган бу каби иллатларни бирданига йўқотиб бўлмайди. Аммо биз, 2016 йилни янги оқ қоғоздан бошлаш имкониятига эга бўлиб турибмиз.

Қани энди... Стадионларимиз тўлиб тошса. Барча ўйинлар тенг курашлар остида, шиддатга бой бўлса...

Қани энди...  Юртимизга сифатли легионерлар кириб келса-ю, рақобат ошса. Футболчиларимиз ўз устиларида қўшимча ишласалар...

Қани энди... Барча ўйинлар “Спорт ТВ”да тўғридан – тўғри эфирга узатилса, клублар ўз матбуот хизматларига жиддий эътибор қаратишса...

Қани энди... Келишилган ўйинлар бўлмаса, учга-уч, тотализатор, олди сотдилар тўхтаса, бир мазза қилсак...

Қани энди... Фақат муаммолар ҳақида эмас, тўлқинланиб ажойиб ўтган тур ўйинлари ҳақида мунозаралар ўтказсак...

Қани энди... Футболчилар камида икки йиллик шартномага имзо чексалар-у, мураббийлар росмана ўз устида ишласалар...

Кани энди... Олий лига ҳакамларининг бари Равшан Эрматовдек бўлиб қолса...

Қани энди... Сайтимизда ҳамма иноқ бўлса, бир-бири билан футболни деб уришмаса, аввало оиласи учун яшаса, юртимизни равнақига ҳизмат қилса...

Қани энди.... ДАВОМИНИ “КОМЕНТЛАР”ДА КУТАМИЗ....