ПСЖ Погбани сотиб олмайди
09 авг 2021 21:40
Янгиликлар

ПСЖ Погбани сотиб олмайди

ПСЖ "Манчестер Юнайтед" ярим ҳимоячиси Поль Погбани сотиб олиш ниятида эмас. Олдинроқ Париж клуби шартнома муддати якунланишига атиги бир йил қолган француз футболчисини сотиб олишга яқин тургани ҳақида хабар берилганди.

Манбанинг таъкидлашича, ҳозирда Париж клуби Лионель Мессининг трансфери устида музокара олиб бормоқда, бу эса клуб раҳбариятини Погбанинг трансферидан воз кечишга мажбур қилди.

Эслатиб ўтамиз, Погба 2016 йилда "Ювентус"дан "Манчестер Юнайтед"га 105 миллион евро эвазига кўчиб ўтганди. Футболчининг амалдаги шартномаси 2022 йилнинг июнигача амал қилади ва уни узайтирилиши ҳозирча номаълум. Ярим ҳимоячи ўтган мавсум АПЛда 26 ўйинда майдонга тушиб, 3 та гол урди ва 5 голли узатма амалга оширди.

Ҳавола :

Манба : Le Parsien

Янгиликларни Телеграмда ўқинг!

Рейтинг: +2