Превью. "Нефтчи" - "Насаф".

«Нефтчи» (Фарғона) – «Насаф» (Қарши)

23 май. 18:00.

Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), И. Гармашов (Тошкент)

Назоратчи: Г. Каримов (Тошкент).

“Нефтчи” ҳамда “Насаф” клублари олий лигада шу кунгача 36 бор куч синашишган. “Нефтчи” 15та ўйинда ғалаба қозонган. 13та учрашувда “Насаф”нинг қўли баланд келган. 8та ўйинда дуранг қайд этилган. Тўплар нисбатида тенглик: 46:46. “Нефтчи” 53 очкога эга бўлган, “Насаф” эса 47 очкони қўлга киритган. “Нефтчи”нинг “Насаф” устидан қозонган энг йирик ғалабаси 4:0га тенг бўлса, “Насаф”нинг фарғоналиклар устидан эришган энг йирик ғалабаси – 4:1.

2014 йил дастлабки даврада “Насаф” ўз майдонидаги баҳсда ғолиб чиққан. Дастлаб фарғоналиклар вакили Руслан Мелзиддинов ҳисобни очганди. Бунга Илҳом Шомуродов ва Артур Геворкян томонидан урилган голлар “аждарлар”га ғалаба келтирган – 2:1. Фарғонада ҳам “аждарлар” зафар қучишган. Азамат Алланиёзовнинг иккинчи бўлим бошидаги голи “Насаф”га 3 очко келтирган – 0:1.

Фарғонада ўтган сўнгги беш учрашув:
27.08.2014 «Нефтчи» - «Насаф» 0:1
20.04.2013 «Нефтчи» - «Насаф» 1:1
28.10.2012 «Нефтчи» - «Насаф» 0:0
09.10.2011 «Нефтчи» - «Насаф» 1:1
21.10.2010 «Нефтчи» - «Насаф» 1:2

Ўзаро ўйинлар ҳақида факт: “Нефтчи” ўз уйида бўлиб ўтган 18та ўйиннинг 9тасида ғалабага эришган. Етти ўйин дуранг билан тугаган. “Насаф” икки марта Фарғонадан уч очко билан қайта олган (2010 ва 2014 йиллар). Водийда ўтган охирги бешта баҳсда “Нефтчи” бу рақибни юта олмаган.

Нарзулла Сайдуллаев тайёрлади