Превью. "Металлург" - "Бунёдкор"

«Металлург» (Бекобод) – «Бунёдкор» (Тошкент)
26 апрель 2015. Бекобод. "Металлург" стадиони. 17:00
Ҳакамлар: А.Асимов, Т.Галеев, А.Пўлатов, Р.Копадзе.
Назоратчи: И.Нехочин.

“Металлург“ ҳамда “Бунёдкор“шу кунга қадар ўзаро 16 маротаба куч синашишган. Натижалар “Бунёдкор”нинг устунлигини кўрсатмоқда. Тошкентликлар 14та ўйинда ғалаба қозонишган. Иккита ўйинда “Металлург”нинг қўли баланд келган. Тўплар нисбати ҳам “Бунёдкор” фойдасига 39-15. Ўзаро ўйинларда “Бунёдкор” 42 очони қўлга киритган бўлса, “Металлург” 6 очколик бўлган.

“Бунёдкор”нинг “Металлург” устидан қозонган энг йирик ғалабаси – 4:0. “Металлург”нинг “қалдирғочлар” устидан қозонган энг йирик ғалабаси эса – 2:1 ни ташкил этади.

Ўтган йилнинг 9-турида “Бунёдкор” ўз майдонида “Металлург” дарвозасига жавобсиз икки тўп киритганди. “Қалдирғочлар” таркибида Олександр Пишур ва Сардор Рашидов ўзини кўрсатганди – 2:0. Бекободда Самир Бекрич ва Олег Зотеев мезбонлар дарвозасига гол уришган, Сардор Расулов ягона жавоб тўпини киритганди – 1:2.

Бекободда ўтган сўнгги беш учрашув:
01.10.2014 «Металлург» - «Бунёдкор» 1:2
17.08.2013 «Металлург» - «Бунёдкор» 2:3
27.09.2012 «Металлург» - «Бунёдкор» 1:3
23.10.2011 «Металлург» - «Бунёдкор» 2:1
19.03.2010 «Металлург» - «Бунёдкор» 0:1

Ўзаро ўйинлар ҳақида факт : “Металлург” ўз майдонида фақат бир бор (2011 йил) “Бунёдкор”дан устун келган. Қолган 7та ўйининг барчасига “Бунёдкор” Бекободдан уч очко билан қайтган. Охирги уч ўйинда “қалдирғочлар” сафарда ушбу жамоа дарвозасига камида 2тадан гол уришган.