Пенальтидаги “иккинчи тегиниш” қоидасига ўзгартиш киритилди
03 июн 19:39
Янгиликлар

Пенальтидаги “иккинчи тегиниш” қоидасига ўзгартиш киритилди

Халқаро футбол қоидаларини белгилайдиган IFAB ташкилоти пенальти зарбаси пайтидаги “иккинчи тегиниш” (двойное касание) бўйича янги тартибни тасдиқлади.

Эндиликда, агар пенальти ижрочиси тўпга икки марта тасодифан тегиб юборадиган бўлса — масалан, тепиш пайтида оёғи тўсатидан сирпаниб кетиб, тўпга дастлаб таянч оёғи орқали ва кейин тўғридан тўғри уриладиган бўлса — ва бундай вазиятда тўп дарвозага кириб кетса, ҳакaм зарбани қайтадан ижро этишга рухсат беради.

Аввалги қоидага кўра, бундай ҳолатда гол бекор қилиниши ва рақиб жамоага эркин зарба берилган бўларди. Янги тартиб футболчиларга нохуш ҳодисалар туфайли адолатсиз ҳолатга тушиб қолмаслик имконини беради.

Бу ўзгариш 2025 йилнинг 1 июлидан расман кучга киради.

Ҳавола :

Манба : IFAB

Янгиликларни Телеграмда ўқинг!

Рейтинг: +19