IFAB футболда вақтни атайлаб чўзишга қарши янги чораларни тайёрламоқда
16 янв 20:56
Янгиликлар

IFAB футболда вақтни атайлаб чўзишга қарши янги чораларни тайёрламоқда

Футбол ўйини қоидаларини ишлаб чиқиш ва тартибга солиш учун масъул бўлган Футбол ассоциациялари халқаро кенгаши (IFAB) келаси ҳафта вақтни қасддан чўзишга қарши қўшимча чора-тадбирларни кўриб чиқади.

Бу ҳақда "The Athletic" хабар берди.

Манбага кўра, муҳокама қилинаётган эҳтимолий янгиликлар орасида аут ёки дарвозадан тўп киритилганда вақтни орқа санаш (таймер) жорий этиш таклифи ҳам бор. Шу орқали жамоалар стандарт ҳолатларни қатъий белгиланган вақт ичида бажаришга мажбур бўлади.

Шунингдек, футбол қонун чиқарувчилари алмашинувларни амалга ошириш учун ҳам вақт лимитини белгилаш масаласини кўриб чиқмоқчи. Бу алмашинувлардан ўйинни чўзиш усули сифатида фойдаланишнинг олдини олишга қаратилган.

Қайд этилишича, IFAB бу йўналишда аввалдан қадамлар ташлаб келмоқда. Илгари шундай қоида жорий этилган эдики, агар дарвозабон тўпни қўлида 8 сониядан ортиқ ушлаб турса, рақиб жамоа фойдасига бурчак зарбаси белгиланади.

Ҳавола :

Манба : The Athletic

Янгиликларни Телеграмда ўқинг!

Рейтинг: -1