Оскар: “Хитойнинг таклифига “йўқ” деб бўлмайди”
12 окт 2017 23:25
Янгиликлар

Оскар: “Хитойнинг таклифига “йўқ” деб бўлмайди”

“Челси”нинг собиқ ярим ҳимоячиси, айни пайтда “Шанхай СПИГ” футболчиси Оскар қачонлардир яна Европага қайтиши мумкинлигини таъкидлади.

“Ҳар бир футболчи ўз оиласига ёрдам бериш учун кўпроқ пул топишни истайди. Бразилияда бизда ҳеч вақо йўқ эди. Шу боис ҳам Хитой клуби билан шартномага имзо чеккандим. Аммо ҳар доим Европага қайтиш имкони менда бор. Қандай қарор қабул қилсам, бунга кимдир яхши, яна кимдир ёмон муносабатда бўлади.

Бу ерга келган ҳар бир хорижлик футболчи юқори савияда ўйин кўрсатади. Хитой футболида катта маблағ айланмоқда. Шу боис баъзида уларнинг таклифига “йўқ” деб бўлмайди. Жамоадошимиз Паулиньонинг “Барселона”га ўтиши сингари мен ва Халкда ҳам доимо Европага қайтишимизга имкон бор”, дея футболчининг сўзларидан иқтибос келтирмоқда Guardian.

Ҳавола :

Манба : Guardian

Янгиликларни Телеграмда ўқинг!

Рейтинг: +2