“Норин” биринчи лигага чиқишни кўзламоқда

Сабаби у ерда биринчи лигага чиқиш учун янги жамоа тузилди. Унга ҳомийлик қилаётган кишиларнинг нияти улкан ва шу боис улар Фарғонада ўтаётган биринчи лигага ўтиш турнирида астойдил иштирок этмоқда. Жамоага собиқ футболчи Файзулло Аҳмедов бош мураббийлик қилмоқда.

Таркибга назар ташлайдиган бўлсак, ўз вақтида олий лига ҳавосидан баҳраманд бўлган Анвар Абдуқодиров, Азизулло Маҳмудов ва Баҳодир Валиевни учратиш мумкин. Шунингдек иккинчи лига тоифасида тажрибали бўлган Шоирбек Рўзиев, Шаҳбоз Жумабоев, Акмал Юлдашев ва Дамир Жамолиддинов ҳам бугунги кунда “Норин”ни биринчи лигага олиб чиқиш учун ушбу жамоада ўйнамоқда. Асосан андижонлик футболчилар ҳисобига таркибни шакллантирган “Норин” кеча илк учрашувида “Локомотив-БФК”ни 4:1 ҳисобида мағлуб этди.