Taniqli futbol jurnalisti va insayder Nodirxo'ja Yuldashevning ma'lum qilishicha, mazkur ro'yxatdan Ruslanbek Jiyanov, Jasur Jaloliddinov hamda Sherzod Temirov joy olgan.
So'nggi ma'lumotlarga ko'ra, terma jamoa bosh murabbiyi Fabio Kannavaro JCH–2026 uchun yo'l oladigan kengaytirilgan tarkib ro'yxatini allaqachon to'liq shakllantirib bo'lgan. Hozirgi vaqtda muxlislar va sport jamoatchiligi faqatgina O'zbekiston futbol assotsiatsiyasi tomonidan ushbu 30 kishilik ro'yxatning rasman e'lon qilinishini kutmoqda.
Eslatib o'tamiz, musobaqa reglamentiga ko'ra, turnirda qatnashadigan yakuniy qaydnomaga 26 nafar futbolchi kiritiladi. Qolgan 4 nafar o'yinchi esa muqobil zaxira vakili sifatida asosiy jamoa bilan birgalikda AQSHga yo'l oladi.
