“No Semin, No party”
16 май 2020 22:00
Янгиликлар

“No Semin, No party”

“Локомотив” устози Юрий Сёмин ўз саҳифасида “темирйўлчилар” мухлисларига қаратилган “No Semin, No party” ёзуви билан расм жойлади.

У Москва клуби билан шартномаси тугагач, ишқибозларнинг саволларига жавоб беришини айтди.

“Қадрли дўстлар! Биз доимо бирга бўлганмиз ва бўламиз ҳам! 31 майдан кейин барча саволларингизга жавоб беришга ҳаракат қиламан. Саломат бўлайлик!”, дея изоҳ қолдирган Сёмин.

73 ёшли мутахассиснинг ўрнини сербиялик Марко Николич эгаллайди, у 2020 йилнинг 1 июнидан бошлаб ўз вазифасига киришади.

Юрий Сёмин москваликларни 2016 йилдан буён бошқариб келаётганди. Бунгача эса жамоани уч марта бошқарган: 1986-1990, 1992-2005, 2009-2010.

Унинг қўл остида “Локомотив” уч мартадан Россия чемпионлиги ва Суперкубоги соҳибига айланди. Шунингдек, “Локо”нинг Россия Кубогидаги 6та титули ҳам Сёмин мураббийлиги даврига тўғри келади.

Ҳавола :

Манба : championat.com

Янгиликларни Телеграмда ўқинг!

Рейтинг: +10