"Нефтчи" аккредитация жараёнини бошлади

Жорий мавсумда “Нефтчи” жамоаси иштирокидаги ўйинларни ёритиш, ўйиндан кейинги матбуот анжуманларида иштирок этиш, беллашув қатнашчилари билан бевосита суҳбат қуриш жойи бўлмиш микст-зона ҳамда дарвозалар ортига (фотомухбирлар учун) ўтиб бориш ҳуқуқини берадиган рухсатнома карточкаларини олиш учун журналистлардан 12 февралдан 1 мартга қадар аризалар қабул қилинади.

Бунинг учун ОАВ вакиллари “Нефтчи” ПФК матбуот хизматига  ўз ташкилотлари раҳбари номидан аккредитациядан ўтказиш учун хат, 3х4 ҳажмдаги фотосурат ва паспортдан нусха тақдим этишлари сўралади. Ҳужжатлар pfkneftchi@mail.ru  манзилида электрон шаклда қабул қилинади.

«Нефтчи» ПФК матбуот хизмати.