Назорат учрашуви. “Қизилқум” – “Оқтепа” 4:1
31 янв 2018 16:39
Янгиликлар

Назорат учрашуви. “Қизилқум” – “Оқтепа” 4:1

Тошкентда ўқув йиғини машғулотларини ўтказаётган “Қизилқум” футболчилари бугун йиғин давомида илк назорат учрашувини пойтахтнинг “Оқтепа” жамоаси билан ўтказиб, йирик ғалабага эришишди.

Учрашувнинг 31-дақиқасида Неманья Йованович учрашувда ҳисобни очган бўлса, 58-дақиқада жамоамизнинг бошқа бир легионери Гужа Григалашвили кучли зарбаси билан орадаги фарқни иккитага оширди. Кейинчалик пойтахтлик футболчилар орадаги фарқни биттага қисқартиришган бўлишсада, ўйин охирларида Ҳумоюн Абдуалимов ва Миржалол Қосимов рақиб дарвозасини аниқ нишонга олиб, ҳисобни йирик кўринишга келтиришди -4:1.

“Оқтепа”га қарши баҳсни футболчиларимиз қуйидаги таркибда бошлашди: Евгений Черемисин, Гиорги Квесиешвили, Эркин Бойдуллаев, Неманья Йованович, Алишер Саноев, Акмал Рустамов, Файзулла Қамбаров, Артур Геворкян, Шерали Жўраев, Дониёр Усмонов, Гужа Григалашвили.

Иккинчи бўлимда майдонга тушганлар: Эркин Жабборов, Нодирхон Камолов, Самандар Шодмонов, Феруз Бобоқулов, Миржалол Қосимов, Ҳумоюн Абдуалимов, Алишер Юсупов.

“Қизилқум” футболчилари йиғини давомидаги навбатдаги учрашувни 2 февраль куни Наманганнинг “Навбаҳор” жамоаси билан ўтказишлари режалаштирилган.