"Навбаҳор": "Машъал" билан ўйинга тайёргарлик бошланди
05 апр 2016 15:51
Янгиликлар

"Навбаҳор": "Машъал" билан ўйинга тайёргарлик бошланди

Қисқа муддатлик таътилдан кейин жамоамиз аъзолари бугун тўпланиб, “Машъал” жамоасига қарши учрашувга тайёргарликни бошлашди.

Муборакда бўлиб ўтадиган ўйинга жамоамиз Тошкентда тайёргарлик кўради. Айнан шу мақсадда айни пайтда футболчиларимиз пойтахтдаги “Геофизика” қароргоҳида тўпланишди. Бироздан сўнг футболчиларимиз дастлабки машғулотни ўтказишади. Асосий таркиб аъзолари “Геофизика”даги машғулотларни 8 апрелга қадар давом эттиришади. Жамоамизнинг Тошкентдаги йиғинида 24 нафар футболчи иштирок этаётганлигини қўшимча қилиш жоиз. Муборакдаги баҳсга бир кун қолганда эса Қашқадарё вилояти сари йўлга тушилади. Муборакдаги Б.Вафоев номидаги ўйингоҳдаги учрашув 9 апрель куни соат 16.30да бошланади. Бир кун олдин бўлиб ўтадиган ёшлар ўртасидаги баҳс эса соат 16.00да старт олади.

Ҳавола :

Манба : pfcnavbahor.uz

Янгиликларни Телеграмда ўқинг!

Рейтинг: