"Насаф"дан очко олинмайди

Бу ҳолатни дарҳол клубнинг ўзи ва ЎзПФЛ масъуллари ўрганиб чиқишди. Маълум бўлишича, Марко Станоевич 3 апрель куни Қаршида ўтказилган "Турон" билан ўйинда ҳам сариқ карточка олган, аммо учрашув протоколини Ўзбекистон профессионал лигаси расмий сайтига киритиш жараёнида хатоликка йўл қўйилган ва юқоридаги тушунмовчилик юзага келди. Шунда сербиялик футболчи учун "Сурхон" эмас, "Бунёдкор" билан ўйиндаги карточка 4-си бўлган ва у 21-тур ўйинини ўтказиб юборган.

Хуллас, барчаси инсон фактори оқибатида йўл қўйилган техник хатолик бўлиб чиқди. Ҳеч кимдан ҳеч қанча очко олинмайди.