“Насаф” тайёргарлик машғулотларига киришди

Машғулотлар Қарши шаҳридаги клубимиз қароргоҳида олиб борилмоқда.

Машғулотларда Равшан Ҳайдаров бошчилигидаги U-22 терма жамоамиз йиғинига жалб этилган футболчиларимиз иштирок этишмаяпти. Булар  Дониёр Нарзуллаев, Бобир Абдухолиқов, Шароф Муҳитдинов, Умиджон Эргашев, Азизжон Ғаниев ва Одилжон Ҳамробековлар.

Легионерларимиз Драган Черан ва Игорь Голбан эртага жамоа қароргоҳига етиб келишади ва машғулотларга киришади.

Жамоа таркибидаги ўзгаришларга тўхталадиган бўлсак, ўзингизга маълум жамоамизни дарвозабон Элдорбек Суюнов ва ҳимоячи Шерзод Аъзамовлар расман тарк этишган. Ушбу футболчилар энди “Пахтакор” клубида фаолиятларини давом эттиришади.

Жамоа таркибига янги футболчилар қўшилиши кутилмоқда, бу ҳақда яқин кунларда аниқ маълумот берамиз.

“Насаф” иккинчи давра тайёргарликлари юзасидан 17 июл куни Тошкентда “Навбаҳор” жамоаси билан ўртоқлик учрашуви ўтказади. 18 июль куни эса жамоа тиббий назоратдан ўтади.