МЮ ва "Арсенал" товон пули 85 млн евро бўлган "Интер" футболчисига қизиқмоқда

"Интер" футболчисига марказий ҳужумчи қидираётган "Арсенал" ва "Манчестер Юнайтед" қизиқмоқда. Қайд этилишича, франциялик футболчига 2023 йилда ўз сафига қўшиб олмоқчи бўлган ПСЖ ҳам қизиқиш билдириши мумкин.

Маркуснинг миланликлар билан шартномасида 85 миллион евролик товон пули банди бор.

Шунингдек, "Интер" Тюрам кетадиган бўлса, Мойзе Кин вариантини кўриб чиқаётгани айтилмоқда. "Фиорентина" ҳужумчисининг 52 млн евролик товон пули 15 июлга қадар амал қилади.

Тахминларга кўра, товон пули муддати тугагач, "Фиорентина"ни ўтган мавсумда 25та гол урган ҳужумчини сотишга кўндириш қийинроқ бўлади. Шу билан бирга, МЮ ва "Арсенал" ҳам аллақачон Кин билан алоқага киришган.

Тюрам ўтган мавсум А Серияда 32 та ўйинда майдонга тушиб, 14 та гол урган ва 4 та голга ҳаммуаллифлик қилган.