Моуринью: "Эртага бошқача таркиб майдонга тушади"

Икки ҳафта олдин жамоалар Норвегияда тўқнаш келишган ва Жозе Моуринью шогирдлари 1:6 ҳисобида мағлуб бўлганди. Чоршанба куни бўлиб ўтган матбуот анжуманида португалиялик мураббий ўша ўйинни ёдга олди.

"Ўшанда ҳаммамиз хато қилганмиз. Мен бунда айнан кимдир ажратиб кўрсатмоқчи эмасман. Биз жамоа бўлиб мағлуб бўлдик, эртага эса жамоа бўлиб ғалаба қозонишни истаймиз.

Эртага биз бошқача таркибда майдонга тушишимиз аниқ. Биринчи ўйинда кўп нарсадан чўчидим: майдон, футболчилардаги чарчоқ ва ҳоказо. Мен хато қилдим, ҳаммамиз хато қилдик", - деди Моуринью.

Эслатиб ўтамиз, Норвегиядаги 1:6 ҳисобидаги мағлубият Жозе Моуринью учун фаолиятидаги энг йириги бўлди.