Майдонда урганчлик “ёш чарм” тўп усталари

Урганч шаҳридаги “Ёшлик” спорт мажмуасида фаолият юритаётган СЎЕАИБЎСМ(Спорт ўйинлари ва енгил атлетикага ихтисослаштирилган болалар-ўсмирлар  спорт мактаби)нинг 2004-2005 йилларда туғилган тарбияланувчиларидан иборат футбол жамоалари ўртасида “Биз спортни севамиз” шиори остида биринчилик бўлиб ўтди.

Мазкур мусобақада СЎЕАИБЎСМнинг 10 та жамоаси иштирок этди. Шундан, омадли тўрт жамоа ярим финалда ўзаро куч синашди. Жумладан, ярим финалда  “Бинокор”(мураббийи Шоҳрух Ёқубов) жамоаси “Ғойбу”(мураббийи Одамбой Қурбонниёзов) жамоасини 6:2, “Олимпия”(мураббийи Санжар Отаев) жамоаси Урганч тумани(мураббийи Шихназар Оллаберганов) жамоасини 3:1 ҳисобида мағлубятга учратди.

Финалда “Бинокор” ва “Олимпия” жамоалари рўпара келди. Бу ўйинда “Бинокор” жамоаси “ёш чарм” тўп усталари 2:1 ҳисобида ғалаба қозониб, “Биз спортни севамиз” шиори остида ўтказилган СЎЕАИБЎСМ биринчилиги ғолибига айланишди.

Икром ХУДОЙБЕРГАНОВ.