Марадона: "Шапекоэнсе" футболчиларини 5 минг доллар тежаш учун ўлимга юборишган"
29 ноя 2017 13:07
Янгиликлар

Марадона: "Шапекоэнсе" футболчиларини 5 минг доллар тежаш учун ўлимга юборишган"

Аргентина терма жамоаси собиқ ҳужумчиси, афсонавий Диего Марадона "Шапекоэнсе" ўйинчиларининг оила аъзоларига ва клуб мухлисларини қўллаб-қувватлади.

Бир йил олдин, 2016 йилнинг 28 ноябрида бортида Бразилия клуби футболчилари бўлган самолёт Колумбия ҳудудида қулаб тушган эди. Ўшанда жамоа Жанубий Америка кубоги финалида "Атлетико Насьональ"га қарши ўйнаш учун йўл олган эди. Фожеадан сўнг жамоанинг уч нафар футболчиси тирик қолган - ҳимоячи Рушел ва Нету, шунингдек дарвозабон Жаксон Фолман.

"Бугун футбол мотамда. Чунки, бир йил олдин "Шапекоэнсе" йигитлари ўз бахтларини излаб йўл чиқишган, аммо ўлим билан тўқнашишган эди. Ҳалок бўлганларнинг оила аъзоларига ва клуб мухлисларига улкан қўллаб-қувватлаш йўллашни хоҳлайман.

Агар олдинроқ гапирмаган бўлсам, бу шармандалик сабаб. Чунки, 5 минг долларни тежаш учун уларни ўлимга юборишган.

Агар олдинроқ гапирмаган бўлсам, бу шармандалик сабаб. Чунки, 5 минг долларни тежаш учун уларни ўлимга юборишган", - деб ёзди Марадона ўзининг инстаграмдаги саҳифасида.