UZ

Сўнгги янгиликлар

21:00Ўзбекистон — Ўмон 1:1 (Матнли трансляция)  213 20:57БАА Лига кубоги. "Ал Наср" ва "Ал Батаэҳ" 1/8 финалнинг илк ўйинида ўзаро дуранг ўйнади, Ғаниев ўйинда тўлиқ ҳаракат қилди  2 20:40"Аугсбург" — "Бавария". Таркиблар маълум  0 20:25"Вестерло" — "Антверпен". Таркиблар маълум  0 19:57"Барса" 17 ёшли озарбайжонлик футболчи билан шартнома имзолади  1 19:28"Алавес" — "Атлетико". Таркиблар маълум  0 19:03АПЛ. "Челси" Лондон дербисида ишончли ғалабага эришди  11 18:57"CAFA Nations Cup-2025". Қирғиз Республикаси ва Туркманистон ўзаро дуранг ўйнади  28 18:23"Тоттенхэм" — "Борнмут" ва МЮ — "Бёрнли" ўйинлари учун таркиблар маълум  7 17:52"Ньюкасл" 85+5 млн евро эвазига ҳужумчи харид қилди?!  11 16:53EЧЛ умумий босқичи тақвими: ўйинлар 16 сентябрдан 28 январгача бўлиб ўтади. "Реал" "Атлетико" билан дербидан 2 кун ўтиб, 30 сентябрь куни "Қайрат" меҳмони бўлади  10 15:2240 ёшли Роналду Португалия терма жамоасига чақирилди. Бруно, Феликс, Витинья, Далот ҳам рўйхатда  2 14:48Катта футболга йўл очувчи мусобақа — УЕФА Ёшлар Лигаси: "Қайрат" илк бор ЕЧЛда қатнашади  3 14:41Расман: Нкунку "Челси"дан "Милан"га ўтди  2 14:12"Байер" 30 миллион евролик трансферни амалга оширмоқда  0

Манжукич футболчилик фаолиятини якунлаганини эълон қилди ҳамда ўзига мактуб ёзди Янгиликлар

Манжукич футболчилик фаолиятини якунлаганини эълон қилди ҳамда ўзига мактуб ёзди

Теглар :  Марио Манжукич
"Милан", "Ювентус" ва "Бавария" собиқ ҳужумчиси Марио Манжукич фаолиятини якунлаганини эълон қилди.

Бу ҳақда 35 ёшли хорватиялик футболчи ўзининг инстаграмдаги саҳифасида мактуб тарзида маълум қилди. Форвард постга илк бор кийган бутсаларининг расмини илова қилди.

"Қадрдон жажжи Марио!

Ушбу бутсаларни илк бор кийганингда, футболда сени нималар кутаётганини тасаввур ҳам қила олмасдинг. Сен катта турнирларда гол урасан ва жаҳон футболи гигантлари билан энг катта совринларни қўлга киритасан. Ўз миллатингни ғурур билан ифода этиб, Хорватия спортининг тарихини ёзишга ёрдам берасан.

Сен муваффақият қозонасан, чунки атрофингда яхши одамлар бор — жамоадошлар, мураббийлар, мухлислар ва оиланг, агентинг ҳамда дўстларинг. Уларнинг барчасидан чексиз миннатдор бўласан!

Биринчидан, сен муваффақият қозонасан, чунки ҳар доим қўлингдан келганича ҳаракат қиласан. Охир-оқибат, бу ўзинг фахрланадиган ҳодисага айланади. Сен кўп нарсани қурбон қиласан, лекин буларнинг барчаси майдондаги эсда қоларли лаҳзалар туфайли бунга арзигулик эканлигини биласан.

Кейин фаолиятингни якунлаш, бутсаларингни михга илиш вақти келганини ҳис қиласан ва бу қарорингдан пушаймон бўлмайсан. Футбол ҳар доим ҳаётингни бир қисми бўлиб қолади, лекин олдинда янги саҳифа очилади.

Ҳаётдан роҳатлан!

Сенинг катта Мариоинг.

P. S.  Агар жаҳон чемпионатида Англияга қарши ўйнасанг, 109-дақиқага қадар тайёр бўл", — деб ёзди Манжукич.

Эслатиб ўтамиз, хорватиялик футболчи "Бавария" билан икки марта Германия чемпиони, икки марта Германия кубогини қўлга киритди ва Чемпионлар лигаси, УЕФА Суперкубоги, клублар ўртасидаги жаҳон чемпионати ва Германия суперкубоги соҳиби бўлди.

"Ювентус"да у А Серияни беш марта, Италия кубогини уч марта ҳамда икки марта мамлакат Суперкубогини қўлга киритди. "Атлетико"да форвард Испания кубогини қўлга киритди.

Манжукич 2018 йилда Хорватия терма жамоаси таркибида жаҳон чемпионатида иккинчи ўринни эгаллади. Бундан ташқари, Марио икки марта мамлакатнинг энг яхши футболчиси деб топилган.


Рейтинг: +23   

Фикрлар

championat.asia
< сўнгги янгиликларни кўриш
Яндекс.Метрика