Лукаку чоршанба куни Миланга учиб боради ва "Интер" билан шартнома имзолайди
26 июн 2022 21:15
Янгиликлар

Лукаку чоршанба куни Миланга учиб боради ва "Интер" билан шартнома имзолайди

"Интер" келаси ҳафта Ромелу Лукаку билан шартнома имзолашни якунламоқчи.

"Челси" ҳужумчиси Италия клубига ижара асосида қайтмоқда.

Чоршанба куни у Миланга етиб бориб, тиббий кўрикдан ўтади ва "нерадзурри" билан шартнома тузади.

Хабарларга қараганда, Лукаку "Интер"га қайтиш учун маошини 30 фоизга, солиқлар тўланганидан кейин йилига 10 миллион фунтдан 7 миллион фунтгача қисқартирган.

Бельгиялик футболчи 2019 йилдан 2021 йилгача “Интер” сафида тўп тепган. У ўтган ёзда "Челси"га 115 миллион еврога сотилган эди.

29 ёшли ҳужумчи ўтган мавсумда "Челси" сафида барча мусобақаларда 44 та ўйинда майдонга тушиб, 15 та гол урди.

Ҳавола :

Манба : Sport Mediaset

Янгиликларни Телеграмда ўқинг!

Рейтинг: +3