Камо Газаров: "Металлург" билан асабий ва курашларга бой ўйин бўлади"
24 сен 2016 10:00
Янгиликлар

Камо Газаров: "Металлург" билан асабий ва курашларга бой ўйин бўлади"

"Металлург" - "Бухоро" ёшлар жамоалари ўртасидаги ўйиндан сўнг меҳмонлар устози Камо Газаров ўз фикрларини билдирди.

"Бугун жуда асабий ва ҳаяжонли ўйин бўлди. Омадимиз келган экан, ғалаба қозондик. Ҳар иккала жамоада жуда кўплаб голли вазиятлар бўлди. Умумий қилиб айтадиган бўлсам, ўз ўйинимиздан кўнглим тўлмади.

Эртага ҳам худди шундай асабий ва курашларга бой ўйин бўлишига шубҳам йўқ. Турнир жадвалида ёнма-ён борувчи жамоалар ўйини ҳар доим ҳам қизиқарли кечади. Бизга очко жуда зарур, бизни фақат ғалаба қониқтиради. Биринчи даврадаги ўйинда биз тўлиқ устунлик қилиб, ғалаба қозона олмаган эдик. Бу сафар имкониятлардан максимал даражада фойдаланиб, 3 очкони қўлга киритишимиз шарт", - дейди Газаров.

"Бухоро" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +3