Жасур Абдураимов бугун Фарғонада номзодларни кузатади

Гап шундаки бош мураббий Жасур Абдураимов ва унинг ёрдамчилари водийдаги 1997 йилда туғилган футболчиларни кузатади.

Андижон, Наманган ва Қўқондан 1997 йилда таваллуд топган футболчилардан иборат жамоалар бугун Фарғонага ташриф буюради. Унда мезбонлар ҳам иштирок этиши кўзда тутилган. Ўзаро ўйин ташкил этилган холда, мураббийлар номзодларни кўздан кечиради ва ўзларига маъқул келганларни кейинчалик йиғинга таклиф этади.  Учрашувлар Фарғона шаҳридаги болалар ва ўсмирлар футбол мактабидаги майдонда ўтказилиши кўзда тутилган.

Дарвоқе, бундан бир неча кун олдин Аҳмаджон Мусаев ва Шуҳрат Мақсудов ҳам Фарғонага ташриф буюриб, 2002 йилда туғилган футболчилар ўртасидаги баҳсларни кузатган холда, номзодларни саралаб олган.