Ҳамиджон Актамов: "Бизга битта ғалаба керак"

"Жуда яхши ўйин бўлди. Кўп вазиятлар яратдик. Анчадан бери бундай баҳс бўлмаётганди. Чемпионатимиздаги энг кучли жамоага қарши тўп тепдик. АГМК жамоасини жуда ҳам хурмат қиламан. Уларга қараганда бизда кўпроқ имкониятлар юзага келди. Охирги нуқтани қўядиган футболчи етишмади. Дурангни адолатли деб ҳисобламайман-ку, бугун ютишимиз керак эди. Кейинги ўйинларда рақибга омад тилайман",- дейди Ҳамид Актамов. 

- Мавсум якунида "Қизилқум" кучли учликка кира олишига қанчалик ишонасиз? 

- Бизга битта ғалаба керак. Битта учрашувда ютиб олсак ҳаммаси яхши бўлади. Ҳаракат қиламиз. 

- Элгужа Григалашвили ва Георгий Кухианидзени захирага олиниши нима билан боғлиқ? Жароҳати борми?

- Чарчоқ аломатлари бор эди. Иккиси ҳам юқори тезликда ҳаракат қилди. 

- Ўринбосарлар жамоасини кузатиб бораётган бўлсангиз Шаҳзод Туропов деган футболчи асосий таркибга тайёр бўляптими?

- Ҳа, тайёр бўляпти.