Футзал. ЖЧ-2021. Мухлисга айланган Месси ва Неймар, шогирдига медалини туҳфа қилган мураббий, Эронга 8 та гол урган Ўзбекистон ҳамда унинг рақами ручка билан ёзилган либосда ва омад тумори билан майдонга тушган рақиблари ҳақида ҳикоя қиламиз
20 авг 15:22
Янгиликлар
![](https://championat.asia/upload/storage/799365_original.jpg)
![](/upload/storage/799365_220.jpg)
Футзал. ЖЧ-2021. Мухлисга айланган Месси ва Неймар, шогирдига медалини туҳфа қилган мураббий, Эронга 8 та гол урган Ўзбекистон ҳамда унинг рақами ручка билан ёзилган либосда ва омад тумори билан майдонга тушган рақиблари ҳақида ҳикоя қиламиз
Футзал бўйича ФИФА таснифидаги тўққизинчи жаҳон чемпионатига 2021 йилнинг 12 сентябрь — 3 октябрь кунлари Литва мезбонлик қилди. Аслида мазкур мундиал бир йил илгари ўтказилиши керак эди, бироқ COVID-19 пандемияси сабабли мусобақа бир йил ортга сурилди.
Мазкур мусобақада илк маротаба видео қўллаб-қувватлаш тизимидан (VS) фойдаланилди. Шунингдек, биринчи марта аёл ҳакамлар жалб этилди.
Турнирда 6 конфедерациядан 24 мамлакат иштирок этди. Пандемия сабабли жаҳон чемпионатига саралаш вазифасини ўташи керак бўлган 2020 йилги Осиё чемпионати бекор қилинди ҳамда 2018 йилги қитъа чемпионатида энг яхши кўрсаткичга эришган 5 жамоа мундиал йўлланмасини қўлга киритди. Улардан учтаси — Эрон, Япония, Ўзбекистон тўғридан-тўғри мундиал иштирокчисига айланган бўлса, яна иккита йўлланма эгаси плей-офф ўйинлари орқали аниқланди.
Бутунжаҳон антидопинг агентлиги томонидан тақиқланган ва 2020 йил декабрь ойида Спорт арбитраж суди қарорига мувофиқ, Россия терма жамоаси мамлакат футбол иттифоқининг (РФУ) нейтрал спортчилари сифатида иштирок этди ва Россия Олимпия қўмитаси байроғидан фойдаланди.
Жаҳон чемпионатининг "B" гуруҳидан жой олган Ўзбекистон терма жамоаси илк турда сўнгги дақиқада ўтказиб юборилган гол туфайли Гватемалага 4:5 ҳисобида имкониятни бой берди. Ўзбекистонга қарши ўйиндаги ғалабадан кейин Гватемала дарвозабони муваффақиятининг сири сифатида қизи совға қилган омад келтирувчи туморни тақиб юришини айтган. Аммо "омад тумори" кейинги ўйинларда ўз кучини йўқотди ва жамоа гуруҳда қолиб кетди.
Футзал бўйича Жаҳон чемпионати-2021
1-тур
ЎЗБЕКИСТОН - ГВАТЕМАЛА - 4:5
12 сентябрь 2021 йил. Вильнюс. "Vilnius Arena" мажмуаси.
Ҳакамлар: Никола Йелич (Хорватия), Чиара Перона (Италия), Эдуардо Фернандес (Португалия).
VAR ҳаками: Ондрей Черни (Чехия).
Вақтга масъул ҳакам: Борислав Колев (Болгария).
Комиссар: Сергей Силва (Литва).
Кординатор: Жоэ Риццелло (Италия).Голлар: Фернандо Кампаньяк 4, - 0:1. Марвин Сандовал 5, - 0:2. Ихтиёр Ропиев 6, - 1:2. Алан Агуилар 7, - 1:3. Марвин Сандовал 22, - 1:4. Ихтиёр Ропиев 25, - 2:4. Ихтиёр Ропиев 35, - 3:4. Уолтер Энрикес 39 автогол - 4:4. Алан Агуилар 40, - 4:5.
ЎЗБЕКИСТОН (биринчи бешлик): 1.Рустам Умаров, 4.Ихтиёр Ропиев, 6.Илҳом Ҳамроев, 8.Ҳусниддин Нишонов, 10.Даврон Чориев.
Захира: 12.Равшан Элибоев, 2.Анасхон Раҳматов, 3.Машраб Одилов, 5.Музаффар Аҳаджонов, 7.Дилшод Раҳматов, 9.Элбек Тўлқинов, 11.Акбар Усмонов, 14.Хушнур Эркинов, 15.Суннатилла Жўраев.
Бош мураббий: Баҳодир Аҳмедов (Ўзбекистон).
Гватемала (биринчи бешлик): 2.Уильям Рамирес, 5.Эдгар Сантизо, 7.Хосе Мансилла, 9.Уолтер Энрикес, 10.Марвин Сандовал.
Захира: 12.Хосе Рейес, 3.Пабло Моран, 6.Александер Алай, 8.Роман Алварадо, 11.Алан Агуилар, 13.Вандерлей Руиз, 15.Патрик Руиз, 16.Фернандо Кампаньяк.
Бош мураббий: Эстуардо Де Леон (Гватемала).Огоҳлантиришлар: Акбар Усмонов 24, Уолтер Энрикес 26, Суннатилла Жўраев 28, Фернандо Кампаньяк 32.
2-турда эса Баҳодир Аҳмедов шогирдлари Россияга муносиб қаршилик кўрсатганига қарамасдан, 2:4 ҳисобида ютқазиб қўйди.
"B" гуруҳи, 2-тур
Вильнюс, Литва
Ўзбекистон — Россия 2:4
Голлар: 10 - Робиньо (1:0), 11 - Артём Ниязов (2:0),21 - Даврон Чориев (1:2), 27 - Машраб Одилов (2:2), 34 - Артём Ниязов (2:3), 34 - Артём Ниязов (2:4)ЎЗБЕКИСТОН (биринчи бешлик): 12. Равшан Элибоев, 4. Ихтиёр Ропиев, 6. Илҳом Ҳамроев, 8. Ҳусниддин Нишонов, 10. Даврон Чориев
Захира: 1.Рустам Умаров, 2.Анасхон Раҳматов, 3.Машраб Одилов, 5.Музаффар Аҳаджонов, 7.Дилшод Раҳматов, 9.Элбек Тўлқинов, 11.Акбар Усмонов, 14.Хушнур Эркинов, 15.Суннатилла Жўраев.
Бош мураббий: Баҳодир Аҳмедов (Ўзбекистон).
Россия (биринчи бешлик): 16.Дмитрий Путилов, 10.Робиньо, 12.Иван Чишкала, 14.Данил Давидов, 15.Андрей Афанасьев.
Захира: 2.Альберт Цаидер, 3.Ромуло, 4.Артём Антошкин, 5.Руслан Кузиев, 6.Янар Асадов, 7.Иван Милованов, 9.Сергей Абрамов, 11.Артём Ниязов, 13.Сергей Абрамович.
Бош мураббий: Сергей Скорович.
Огоҳлантириш: 11 - Даврон Чориев
"Оқ бўрилар"ни 3-турда фақат ва фақат ғалаба қаноатлантирарди. Бўлажак рақиб Миср ҳам уч очко илинжида майдонга чиққанди. Қийин ўтган беллашувда Ўзбекистон 2:1 ҳисобида ғалаба қозониб, гуруҳда иккинчи ўрин билан плей-офф босқичига йўл олди.
Жаҳон чемпионати
"B" гуруҳи. 3-тур
Ўзбекистон - Миср 2:1
Голлар: 2 - Ҳусниддин Нишонов (1:0), 19 - Мустафо Эид (1:1), 33 - Анасхон Раҳматов (2:1)20.00, "Вильнюс Арена" мажмуаси
Дастлабки бешлик: 12.Равшан Элибоев, 4.Ихтиёр Ропиев, 6.Илҳом Ҳамроев, 8.Ҳусниддин Нишонов, 10.Даврон Чориев
Захира: 1.Рустам Умаров, 16.Аббос Элмуродов, 2.Анасхон Раҳматов, 3.Машраб Одилов, 5.Музаффар Аҳаджонов, 7.Дилшод Раҳматов, 11.Акбар Усмонов, 14.Хушнур Эркинов, 15.Суннатилла Жўраев
Миср: Абдулносир, Дунга, Мансур, Шула, Алла
Захира: Шобер, Элашвал, Боди, Аҳмед, Саид, Эид, Хусни,Коки, Юсри
Миср терма жамоаси мундиалдан аввал ҳам Таиландда халқаро турнирнинг 3-ўрин учун кечган беллашувида Ўзбекистонга 0:4 ҳисобида мағлуб бўлганди. Ўша мусобақа мисрлик футзалчининг либоси кўпчиликнинг диққатини тортганди. Гап шундаки, ярим финал доирасидаги мезбонларга қарши ўйинда африкаликларнинг учинчи дарвозабони рақами ручка билан чизилган либосда майдонга чиққани тасвирларда акс этган. Мазкур воқеадан сўнг Миср футбол ассоциацияси расмийлари воқеа бўйича текширув ишлари амалга оширилишини маълум қилди.
Осиёнинг етакчи жамоаси Эронга қарши нимчорак финал баҳси эса драматик руҳда кечиб, мундиалнинг энг шиддатли ўйинларидан бирига айланди. Жами 17 та гол урилган учрашувда эронликлар 9:8 ҳисобида зафар қучди. Афсуски, беллашув сўнгида катта устунликка эга бўлган Баҳодир Аҳмедов шогирдларига ҳисобни тенглаштириш учун вақт етмади.
ЖЧ-2021. Нимчорак финал.
Ўзбекистон - Эрон 8:9Гол: Ҳусниддин Нишонов 9', 33', Дилшод Раҳматов 17', Ихтиёр Ропиев 18', Анасхон Раҳматов 27', 39', Илҳом Ҳамроев 30', 40' – Али Ҳасанзода 1', 22', 28', Маҳди Жавид 5', 25', Саид Аҳмад Аббоси 16' 37', Фарҳод Тавакколи 18', Муслим Оладгодбаҳ 29'
Ўзбекистон: 12. Равшан Элибоев, 4. Ихтиёр Ропиев, 6. Илҳом Ҳамроев, 8. Ҳусниддин Нишонов, 10. Даврон Чориев
Захира: 1. Рустам Умаров, 16. Аббос Элмуродов, 2. Анасхон Раҳматов, 3. Машраб Одилов, 5. Музаффар Аҳаджонов, 7. Дилшод Раҳматов, 11. Акбар Усмонов, 14. Хушнур Эркинов, 15. Суннатилла Жўраев
Эрон: 2. Алиризо Самими, 5. Ҳамид Аҳмади, 6. Муҳаммадризо Сангсефиди, 7. Али Ҳасанзода, 9. Саид Аҳмад Аббоси
Захира:1. Сафир Муҳаммади, 3. Аҳмад Исмоилпур, 4. Алиризо Рафеипур, 8. Муслим Оладгодбаҳ, 11. Фарҳод Фаҳим, 12. Муҳаммад Шажари, 13. Фарҳод Тавакколи, 14. Маҳди Жавид, 15. Таҳа Нематиан
Огоҳлантириш: Анасхон Раҳматов (24)
Ёпиқ майдонда ўтказилган мундиални нафақат футзал ихлосмандлари, балки профессионал футбол юлдузлари ҳам кузатиб борди. Жумладан, Лионель Месси, Роналдиньо, Неймар ижтимоий тармоқдаги саҳифаси орқали ҳамюртларини қўллаб-қувватлаётгани акс этган бир нечта пост жойлади.
Юлдузларнинг ўз уйларидан туриб севимли жамоаларини кузатиб боришига қарамай, Литвадаги мундиалда томошабинлар ташрифи бўйича энг ёмон кўрсаткич қайд этилди. Мусобақадаги ҳар бир ўйинини ўртача 1187 киши томоша қилди.
Мундиалнинг ҳал қилувчи учрашувида Рикардиньо етакчилигидаги Португалия амалдаги чемпион Аргентинани мағлуб этиб, ўз тарихида илк маротаба бош совринни қўлга киритди. Шу тариқа, кубок 17 йилдан сўнг Европа қитъасига қайтди.
Португалия терма жамоаси афсонаси Рикардиньо жаҳон чемпионати бошланишига олти ой қолганида жиддий жароҳатга йўлиқди. Унинг мундиалда қатнашиши сўроқ остида эди. Бироқ Роналдунинг ватандоши ўзида куч ва журъат топа олди ҳамда якунда чемпионлик билан бирга турнирнинг энг яхши футзалчиси деб топилди.
"Терма жамоада 18 йил давомида фаолият юритдим. Кўплаб ўйинлар, кўплаб турнирлар, тўртта жаҳон чемпионатларида қатнашдим. Мен ҳар доим яхши спорт формасида бўлганман. Бироқ олти ой муқаддам касалхонада эдим. Фаолиятимдаги энг қийин операцияни бошдан ўтказдим. Шундан сўнг тўпни зўрға тепа бошладим, Португалия терма жамоаси таркибидан ўрин олиш ва жамоага ёрдам бериш учун сиз тасаввур қилганингиздан ҳам кўпроқ меҳнат қилишимга тўғри келди. Олти ой олдин бу имконсиздек туюларди. Фаолиятимни якунлаш ҳақида ўйладим, мазкур мундиал бутун умрим давомида орзу қилган кубокни қўлга киритиш учун сўнгги имкониятим эканлигини ва шу сафар ҳам муваффақиятсизликка учрайдиган бўлсам, бутун умрим давомида пушаймон бўлишимни билардим", деди Рикардиньо.
Мундиалнинг яна бир эсда қоларли воқеаси сифатида Аргентиналик мураббий Матиас Лукуикснинг мурувватини ёдга олиш мумкин. Мусобақада кумуш медални қўлга киритган жанубий америкаликлар бош мураббийи тақдирлаш маросимида мундиал бошланишидан аввал чап тиззасидан олган жароҳати туфайли қайдномага кирмай қолган, шундай бўлса-да, жамоасини қўллаб-қувватлаш учун Литвага борган шогирди Лукас Триподинига ўз медалини туҳфа этди.
"A" гуруҳи
Жамоа | Ўйин | Ғалаба | Дуранг | Мағлубият | Тўплар нисбати | Очко |
---|---|---|---|---|---|---|
Қозоғистон | 3 | 2 | 1 | 0 | 10-2 | 7 |
Венесуэла | 3 | 2 | 1 | 0 | 4-2 | 7 |
Коста-Рика | 3 | 1 | 0 | 2 | 7-9 | 3 |
Литва | 3 | 0 | 0 | 3 | 3-11 | 0 |
"B" гуруҳи
Жамоа | Ўйин | Ғалаба | Дуранг | Мағлубият | Тўплар нисбати | Очко |
---|---|---|---|---|---|---|
Россия | 3 | 3 | 0 | 0 | 17-3 | 9 |
Ўзбекистон | 3 | 1 | 0 | 2 | 8-10 | 3 |
Гватемала | 3 | 1 | 0 | 2 | 9-14 | 3 |
Миср | 3 | 1 | 0 | 2 | 7-14 | 3 |
"C" гуруҳи
Жамоа | Ўйин | Ғалаба | Дуранг | Мағлубият | Тўплар нисбати | Очко |
---|---|---|---|---|---|---|
Португалия | 3 | 2 | 1 | 0 | 14-4 | 7 |
Марокаш | 3 | 1 | 2 | 0 | 10-4 | 5 |
Таиланд | 3 | 1 | 1 | 1 | 11-9 | 4 |
Соломон ороллари | 3 | 0 | 0 | 3 | 4-22 | 0 |
"D" гуруҳи
Жамоа | Ўйин | Ғалаба | Дуранг | Мағлубият | Тўплар нисбати | Очко |
---|---|---|---|---|---|---|
Бразилия | 3 | 3 | 0 | 0 | 18-2 | 9 |
Чехия | 3 | 1 | 1 | 1 | 6-6 | 4 |
Вьетнам | 3 | 1 | 1 | 1 | 5-12 | 4 |
Панама | 3 | 0 | 0 | 3 | 4-13 | 0 |
"E" гуруҳи
Жамоа | Ўйин | Ғалаба | Дуранг | Мағлубият | Тўплар нисбати | Очко |
---|---|---|---|---|---|---|
Испания | 3 | 3 | 0 | 0 | 12-3 | 9 |
Парагвай | 3 | 2 | 0 | 1 | 6-6 | 6 |
Япония | 3 | 1 | 0 | 2 | 11-10 | 3 |
Ангола | 3 | 0 | 0 | 3 | 6-16 | 0 |
F" гуруҳи
Жамоа | Ўйин | Ғалаба | Дуранг | Мағлубият | Тўплар нисбати | Очко |
---|---|---|---|---|---|---|
Аргентина | 3 | 3 | 0 | 0 | 17-3 | 9 |
Эрон | 3 | 2 | 0 | 1 | 8-6 | 6 |
Сербия | 3 | 1 | 0 | 2 | 11-7 | 3 |
АҚШ | 3 | 0 | 0 | 3 | 2-22 | 0 |
1/8 финал
Россия — Вьетнам 3:2
Венесуэла — Марокаш 2:3
Қозоғистон — Таиланд 7:0
Аргентина — Парагвай 6:1
Бразилия — Япония 4:2
Ўзбекистон — Эрон 8:9
Португалия — Сербия 4:3 (қ.б)
Испания — Чехия 5:2
1/4 финал
Марокаш — Бразилия 0:1
Россия — Аргентина 1:1 (п. 4:5)
Испания — Португалия 2:4 (қ.б.)
Эрон — Қозоғистон 2:3
1/2 финал
Бразилия — Аргентина 1:2
Португалия — Қозоғистон 2:2 (п. 4:3)
3-ўрин учун
Бразилия — Қозоғистон 4:2
Финал
Аргентина — Португалия 1:2
Голлар: Клаудино (28) — Пани Варела (15, 28)
"Олтин бутса": Феррао (Бразилия, 9 та гол)
"Олтин тўп": Рикардиньо (Португалия)
"Олтин қўлқоп": Николас Сармиенто (Аргентина)
"Fair Play": Қозоғистон
Футзал. Футбол бўйича Европа чемпионлари иштирок этган илк жаҳон чемпионати ҳақида ҳикоя қиламиз
Футзал. ЖЧ-1996. Бразилия "требл" қайд этди
Оқил Абдубарноев тайёрлади.
Ўхшаш янгиликлар
![AMP Logo](https://championat.asia/image/logo-amp.png)
Фикрлар