Ushbu uchrashuv Vadim Abramov va Ulug'bek Baqoev uchun Superligadagi o'zaro to'rtinchi to'qnashuv bo'ldi. Abramov ilk bor "Neftchi" jamoasi boshqaruvida Baqoev ustozligidagi "Buxoro" bilan bellashgan, unda qo'hna shahar jamoasi 2:1 hisobidagi g'alabani nishonlagan edi. O'tgan mavsumda Vadim Abramov "Bunyodkor" murabbiyi sifatida Baqoev boshqarayotgan "Sug'diyona"ga qarshi ikki bor maydonga chiqdi, birinchi davrada Jizzaxdagi bahsda mezbonlarning qo'li baland kelgan bo'lsa (2:1), ikkinchi davra Toshkentda o'tkazilgan uchrashuvda jamoalar 2:2 hisobidagi murosa ko'chasini tanlashgandi. Demak, umumiy hisobda Abramov Baqoev boshqargan jamoalari bilan Superligada 4ta uchrashuvda ishtirok etib hali g'alaba qozonganicha yo'q. To'g'ri, o'tgan mavsum O'zbekiston kubogida safarda "Sug'diyona"ni 2:1 hisobida yutib turnirdan chiqarib yuborganini ham unutmaslik lozim. O'shanda Shohruh Gadoev so'ngi soniyalarda g'alaba golini urib ketganini ko'pchilik yaxshi esalasa kerak. Murabbiylar o'rtasidagi o'zaro o'yinlarda ustunlik Baqoev tomonida bo'lib turibdi.
