ФАКТ! Вадим Абрамов Суперлигада ҳали Баоқевни мағлубиятга учратгани йўқ

Ушбу учрашув Вадим Абрамов ва Улуғбек Бақоев учун Суперлигадаги ўзаро тўртинчи тўқнашув бўлди. Абрамов илк бор "Нефтчи" жамоаси бошқарувида Бақоев устозлигидаги "Бухоро" билан беллашган, унда қўҳна шаҳар жамоаси 2:1 ҳисобидаги ғалабани нишонлаган эди. Ўтган мавсумда Вадим Абрамов "Бунёдкор" мураббийи сифатида Бақоев бошқараётган "Суғдиёна"га қарши икки бор майдонга чиқди, биринчи даврада Жиззахдаги баҳсда мезбонларнинг қўли баланд келган бўлса (2:1), иккинчи давра Тошкентда ўтказилган учрашувда жамоалар 2:2 ҳисобидаги муроса кўчасини танлашганди. Демак, умумий ҳисобда Абрамов Бақоев бошқарган жамоалари билан Суперлигада 4та учрашувда иштирок этиб ҳали ғалаба қозонганича йўқ. Тўғри, ўтган мавсум Ўзбекистон кубогида сафарда "Суғдиёна"ни 2:1 ҳисобида ютиб турнирдан чиқариб юборганини ҳам унутмаслик лозим. Ўшанда Шоҳруҳ Гадоев сўнги сонияларда ғалаба голини уриб кетганини кўпчилик яхши эсаласа керак. Мураббийлар ўртасидаги ўзаро ўйинларда устунлик Бақоев томонида бўлиб турибди.