Фабио Полетто: “Бутун дунёда футзал ривожланиб бормоқда”

Озарбайжон терма жамоаси “Ғ” гуруҳида иккинчи ўринни эгаллаб кейинги босқичга йўлланмани қўлга киритди. “Плей-офф” босқичида Озарбайжон терма жамоаси Таиландга қарши баҳс олиб боради. ушбу учрашувдан олдин биз ижтимоий тармоқ орқали Озарбайжон терма жамоаси аъзоси Фабио Полетто билан боғланиб ундан интервью олдик.

“Гуруҳ босқичи биз учун жуда ҳам қийин кечди. Рақиблар ҳам анча кучли эди. Лекин, биз ўз ўйинимизни намойиш этдик ва чиройли футзал кўрсатдик. Энди, бор эътиборимизни кейинги босқичдаги ўйинга қаратамиз. Гуруҳдаги сўнгги учрашувда биз фақат ғалабани ўйлаб майдонга тушдик, чунки рақибимиз Эрон терма жамоаси эди. Ҳисобда дуранг натижа қайд этган бўлсакда, ўйин давомида устунлик биз тарафда бўлди. Ушбу натижа бизни гуруҳда иккинчи ўринни эгаллашимизни таминлади. “Плей-офф”даги рақибимиз жуда ҳам кучли терма жамоалардан бири. Улар гуруҳ босқичида ҳам яхши натижани қайд этди. Бизни олдинда жиддий баҳс кутмоқда деб ўйлайман. Лекин бизнинг терма жамоа бор эътиборини ижобий натижа қайд этишга қаратган. Жуда ҳам ажойиб турнир бўлиб ўтмоқда. Мундиалдаги барча терма жамоалар яхши ўйин кўрсатяпти. Бутун дунёда футзал ривожланиб бораётганини кўрсатмоқда”, - дейди Озарбайжон терма жамоаси аъзоси Фабио Полетто.

Жаҳонгир Сотволдиев