UZ

Сўнгги янгиликлар

09:35Тошкент клуби футболчиси "Қизилқум" сафига бориб қўшилди  1 09:10"Андижон" Туркияда 9 та назорат учрашуви ўтказади. Рақиблар орасида Норвегия жамоаси бор  1 08:30Про лига тўпурари клуби билан келишувни узайтирди  0 08:00Санъат Шихов "Бунёдкор" U-21 жамоасида иш бошлади  2 07:30"Навбаҳор"дан кетган футболчи Баҳрайн клуби билан шартнома имзолади   2 03:05ЕЧЛ. "Атлетико" "Байер" устидан иродали ғалаба қайд этди, "Ливерпуль" эса "Лилл"дан устун келди ва бошқа натижалар  11 03:00ЕЧЛ. Лиссабондаги ёмғирли драмада "Барселона" фантастик камбэк қайд этди!  204 01:20Жалолиддин Машариповнинг қанча муддатга сафдан чиққани маълум бўлди  9 00:52ЕЧЛ. "Аталанта"дан йирик ғалаба, "Монако" эса "Астон Вилла"ни мағлубиятга учратди  6 00:44Пеп Гвардиола: "Ҳусанов АПЛда ўйнашга тайёр. ЕЧЛда эса плей-оффга чиқиб олишимиз керак"  3 23:58Пеп Гвардиола: "Ҳусанов иложи борича тезроқ инглиз тилини ўрганиб олади деб умид қиламан"  13 23:29Икки ҳафтадан сўнг 40 ёшга тўладиган Роналду Саудия Арабистони чемпионатида тўпурарга айланиб олди  7 23:11Кунья Лондон клубига ўтадими?  1 22:38Расман: ОКМК яна бир япониялик легионер билан шартнома имзолади  8 22:31Абдуқодир Ҳусановнинг "Манчестер Сити"да қанча маош олиши маълум  25

Эссиз... Янгиликлар

Эссиз...

Ҳимоя "0", дарвозабон "0", ярим ҳимоячилар корпусда учиб кетаверса, ҳужумчи тўпни тўғри тепа олмаса, Риога боришдан не наф?


Кечагидек ёдимда, 2011 йилнинг январь ойида бўлиб ўтган Осиё Кубогидан сўнг уйга қайтганимдан кейин, бир ойлик маошимни шунчаки жарима қилиб юборишган эди. Эгизакларим энди уч ойлик бўлган. Ҳеч нима қилмади, оч қолмадим. Ҳали 24 ёшга ҳам тўлмаган эдим. Айнан шу ёшда эдим. Мен ёш бола эмас эдим, бир оилани боқувчиси эдим, икки нафар фарзанднинг отаси.

Бугунги футболчиларни ёшлар деб атаётганлар учун айтдим бу гапни, ўзини ёш ва умидли деб ўйлаётганларга ҳам тегишли. Ёшлик боғчада қолган. Бу ёшда киши ватани учун ўлиб тирилиши керак, бу ёшда киши гуллаши, эртанги кунига пойдевор қўйиши керак. Бугун биз 23 ёш деётган ёшларимиз, эртага МТЖ бўлишади. Шунинг учун бугунги МТЖнинг қадрига етайлик, эртасини бугун кўрдик қандайлигини.

Дарвозабонга тил забон нима учун берилган "Я" деб бақирмайсанми, ҳимоячиларга кўрсатма бермайсанми? Қани дарвозабонлик "ДУХИ"? Нестеровни машғулотларини ойлаб эмас, ҳеч бўлмаса уч маротаба кузат, ўзини ўзи қандай қийнайди. Ҳимоячиларни ишини, ўз иши қолиб Сергеев қилиб юрибди. Уям бу турнирда битта ишни эплай олмади.

Бабаян эса Искандеровни қўйиб катта ҳато қилди. Уни ўйинга тайёр эмаслиги Жанубий Корея билан ўйинда кўринган эди. Энди ҳамма танқид унга бориб тақалаверади. Бунга қанчалик чидаб беради, буни билмаймиз. Бундай натижага эришиш учун, ОТЖ сафида ўзгартириш киритилиши шарт эмас эди.

Ироқ мағлуб этиб бўлмайдиган жамоа эмас. Ироқнинг ҳам ҳимояси бизникидан қолишмади аслида. Лекин бизда, улар каби ўйнайдиган ҳужумчилар бўлмади. Нима учун доим сиқилиб юраверишимиз керак? Қачонгача яратилган шароитларни кўкка совуриб, ўз манфаатимиз йўлида ишлаймиз, ўзгалар мафаатини қачон кўзлаймиз?


Жарима майдончаси ичидаги ҲИМОЯЧИЛАР қани? У ерда Сергеев нима қиляпти? Сергеев қарши ҳужум учун тайёр бўлиши керак эмасми?


Учинчи голчи? 23 ёшга кириб ҳакам ҳуштаги янграгунича ўйнашни ўрганмаган футболчиларимиз бизни Қатарда бўлиб ўтадиган Жаҳон чемпионатига олиб келадими? Яхши ҳамки 2008-10 йилларда футболимизга сал жон кириб, футболчиларимиз четга чиқиб кетган экан. Бу чемпионатда Жепаров тўпурар бўлса ҳеч ҳам ажабланмайман.

Неча маротаба ёзиш керак, 21 ёшдан ошмаган ўйинчи ўйнасин олий лигада, ҳар бир жамоада ҳеч бўлмаса бир нафар деб? Агар шу қоида тадбиқ этилганида, 1994 йилда туғилган жамоамиз футболчилари бугун "ҳаёт" бўлардилар. Ҳакимовни ўзи эмас, мураббийлар синдирди. Балки у клуб учун ўйнолмас, аммо МТЖдаги Гейнрих каби, унинг ҳам тутган роли катта бу авлодда. Бир пайтлар, Андрей Фёдоров 18 ёшида, Февзи Давлетов 17 ёшида олий лиганинг асосий таркибида ўйнаганида, бугунги ПФЛда йўқ бундай ўйинчи.

Мусаев - Мақсудов - Ашурматов - Жалилов - Бабаян ... Бир неча вагонлардан иборат бу поездни аслида Дилшод Нуралиевни ўзи бошқарганида ҳеч бўлмаса гуруҳдан чиқишни эплай олган бўлармиди? Шунча йиғинлар, шунча пуллар...

1 йил аввал Мираброр Усмонов, Ўзбекистон олимпия терма жамоаси РИО йўлланмасини қўлга кирита олмаса, футболда ислоҳат бўлишини такидлаб ўтган эди. Мираброр Зуфарович, илтимос, сизни ва бизни умидимизни оқлай олмаётган мутахассисларга чиқиш эшикларини кўрсатинг, ўз ишини профессионаллари фаолият олиб борсинлар, илтимос!

МТЖ томонидан йўл қўйилиши мумкин бўлган ҳар қандай хато энди, олимпия терма жамоасига боғланаверади. Бу турнирда шу нарсага амин бўлдик-ки, 17-19 ёшгача футболчиларни ўзи ўйнай оларкан, ундан кейин эса уларни ўйнатишни билмас эканмиз. Афсуски, бу аччиқ ҳақиқат!


Бугун уйда ва стадионда учрашувни кўрган жуда кўплаб мухлисларнинг кўзларида ёш кўрдик. Эссиз кўз ёшлар... Эссиз асаблар... Омон бўлинг, 3-тур ўзингизга сийлов!

Нодирхўжа Юлдашев

Рейтинг: +115   

Ўхшаш янгиликлар

Фикрлар

championat.asia
< сўнгги янгиликларни кўриш
Яндекс.Метрика