UZ

Сўнгги янгиликлар

13:14Фергюсон "Манчестер Юнайтед"га қайтмоқчи эканини тан олди  2 12:35Аморимнинг "Реал"даги трансфер мақсади маълум бўлди  2 11:56"Реал" "Ливерпул"нинг навбатдаги юлдузини нишонга олди  5 11:20Месси МЛС тўпурарлар пойгасида етакчилик қилмоқда - 22 та ўйинда 22 та гол  3 10:53Бугун бўлиб ўтадиган "Арсенал" - "Манчестер Сити" баҳси учун жамаоларнинг эҳтимолий таркиби  11 10:27Мареска Санчеснинг 3-дақиқада олган қизили ҳақида гапирди  2 09:55Хаби Алонсо "Реал Мадрид" тарихида фақат икки мураббий эришган муваффақиятни такрорлади  8 09:23"Манчестер Юнайтед" - "Челси" учрашувининг биринчи бўлими АПЛ тарихига кирди  2 08:41"Барселона" Маркус Рэшфорд борасида бир қарорга келди  2 08:07Суперлига. Бугун 22-тур якунланади  6 08:05МЛС. Мессининг иккита голи ва битта голли узатмаси "Интер Майами" жамоасига "Ди Си Юнайтед" устидан ғалаба келтирди  25 07:35Саудия Пролигаси. "Ал Насср"дан йирик ғалаба. Роналдудан дубл  8 06:55Суперлига. "Нефтчи" – "Динамо" 2:1   0 06:40Эксперт фикри. Абдуқаҳҳор Маъруфалиев: "Бухоро"да янги мураббий таъсири кўринди, Фарғонада тенг ўйин бўлди. Лекин..."   6 02:01А Серия. "Ювентус" "Верона"ни мағлуб этолмади, "Милан" эса йирик ҳисобда ғалаба қозонди   13

"Эл-Классико"гача: Зинедин Зидан иштирокидаги матбуот-анжумани Янгиликлар

"Эл-Классико"гача: Зинедин Зидан иштирокидаги матбуот-анжумани

Теглар :  Зинедин Зидан
"Барселона" ҳамда "Реал" ўртасидаги Испания Суперкубоги биринчи учрашувидан олдин "Қироллик клуби" устози Зинедин Зидан матбуот-анжуманида иштирок этди.

"Суперкубокнинг баҳоси ўзгача, чунки бу музей учун яна бир соврин. Бундан ташқари, "Барселона"га қарши ўйин - ўзгача бир нарса эканлигини биламиз. Биз кўпчилик учун энг кучли бўлган рақиб билан ўйнаймиз, аммо мен учун ҳеч нарса ўзгармайди. Жисмоний ва руҳий тайёргарлигимиз идеал ҳолатда, ҳамма майдонга тушишни истамоқда.

"Барселона"да ўзгаришлар бўлди, аммо "Барса" - бу "Барса". Кимлардир бу жамоани менга қарши ўйнаган энг кучсиз "Барселона" деб аташмоқда. Биз уларнинг ўйин услубини биламиз. Олдинда иккита учрашув турибди, биринчиси Барселонада, иккинчиси Мадирдда. Борига чидаймиз, аммо финал битта ўйин бўлишини истардим.


Криштиану Роналду ўйинга тайёр, у таътилдан сўнг яхши ҳолатда, бир ҳафтадан бери жамоа билан тер тўкиб ишламоқда. Роналду таътилда ҳам машқ қилган, шу сабабли у мавсумни бошлашга тайёр.

Клубдаги ҳар бир кунимдан роҳат оляпман. Бу бир кун якунланади, аммо клуб билан муносабатимиз шартномага боғлиқ эмас. 20 йиллик шартнома имзолашим мумкин, аммо бир йилдан кейин бошқа жойда бўлишим эҳтимолдан ҳоли эмас. Бу "Реал" ва ҳеч қачон бу клуб билан уришмайман.

Яхши ва ёмон кунлар бўлади, аммо ҳозир ажойиб даврдан максимум роҳат оляпмиз. Муваффақият бир жамоа бўлиш ва тинимсиз меҳнат туфайли амалга ошади. Мақсадимиз - қўлга киритиш мумкин бўлган барча совринларни ютиш. Жамоага фойдам тегишини истайман ва ҳозирча буни уддалаяпман дея оламан, аммо бу ерда кечаги кун билан яшаб бўлмайди. Олдимизда яна бир кубок бор ва истагимиз - бор кучимизни ишга солиб, биринчи баҳсда ғалаба қозониш ва иккинчиси ҳақида бош қотириш.

Иско BBC билан боғлиқ, аммо буни ўйлаб чиқиш керак. Кўп ишларни бажара оламан, менда чеклов йўқ, бу вазиятни ҳам ҳал қилса бўлади.


Касемиро ҳамма билан биргаликда дарвозага зарба бериш бўйича ишламоқда - буни ҳамма бажаряпти, унда алоҳида машқлар йўқ. Сўнгги икки финалларда у гол урганидан хурсандман, аммо бу унинг асосий вазифаси эмас.

Теонинг ҳолати қолганларники каби яхши. У яқиндагини бизга қўшилди, мавсумолди тайёргарликдан сўнг у машғулотларда бошқалар билан бирга ўсиб бормоқда.

Неймар кетди, аммо унинг ўрнини эгаллайдиган футболчи ўз вазифасини яхши уддалайди. Бу албатта Неймар бўлмайди, бироқ ўрнини эгаллайдиган йигит ҳам ёмон ўйинчи бўлмайди. Ушбу масала бўйича ҳавотир олаётганим йўқ. Неймарнинг ўрнини босиб бўлмайди - бундай футболчилар кўп эмас.

31 августгача ҳамма нарса бўлиши мумкин. Ҳозирги жамоадан кўнглим тўқ, ўзгаришлар керак эмас".


Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика