Драган Херан бугун Қаршига келади
25 июл 2016 13:54
Янгиликлар

Драган Херан бугун Қаршига келади

“Насаф” жамоаси иккинчи даврадан ўз таркибини янги легионер футболчилар ҳисобига ҳам кучайтиришни қарор қилган.

Шу кунгача жамоа сафига икки нафар янги легионер футболчи келиб қўшилди. Булар, россиялик Игорь Голбан ва сербиялик Огнен Красичлардир.

Аввалги хабарларимизда яна бир сербиялик ҳужумчи таркибимизга келиб қўшилиши ҳақида хабар берган эдик. Бу футболчини қачон Қаршига келишини сўраб, мурожаат қилаётган мухлислар сони кўпайиб бормоқда.

Бугун ана шу сербиялик легионер футболчи “Насаф” жамоаси сафига қўшилиши кутилмоқда. Бу – Драган Херандир. Ушбу 28 ёшли марказий ҳужумчи бугун кечки пайт клуб базасига ташриф буюради. Бугун у Тошкентда тиббий кўрикдан ўтади.

Шу кунларда клубимиз яна бир қатор маҳаллий футболчилар билан ҳам музокаралар олиб бормоқда. Бу футболчилардан қайси бирлари жамоа сафига қўшилиши шу кунларда аниқ бўлади.

Энг қизиғи, жамоамиз мухлислари 29 июл жума куни бўладиган Ўзбекистон Кубоги чорак финали жавоб учрашувида янги футболчиларнинг ўйинларини томоша қилишлари мумкин.

Ҳавола :

Манба : fcnasaf.uz

Янгиликларни Телеграмда ўқинг!

Рейтинг: +13