Дани Алвес “Барселона” машғулотларига ташриф буюрди

Sport.es тарқатган хабарларга кўра, 36 ёшли футболчи Каталония пойтахтига шахсий иши бўйича келган. Пайтдан фойдаланиб, футболчи кўк-анорранглилар машғулотига ҳам ташриф буюрган ва собиқ жамоадошлари билан кўришган.

Алвес 2008 йилнинг ёзида “Севилья”дан “Барселона”га кўчиб ўтганди. Ҳимоячининг трансфери каталонияликаларга 35,5 миллион еврога тушганди. 2016 йилнинг ёзида футболчи эркин агент сифатида “Ювентус”га кўчиб ўтганди. “Барселона” таркибида бразилиялик футболчи 391 та учрашувда майдонга тушиб, 21 та гол уришга ҳам муваффақ бўлганди. Жамоа билан у нақд 24 та совринни қўлга киритган.

Эслатиб ўтамиз, Дани Алвес жаҳон футбол тарихидаги энг совриндор футболчи ҳисобланади. Фаолияти давомида у 40 та совринга эга чиққан.