"Брайтон" Кайседони "Арсенал"га 70 млн фунтга сотишдан бош тортди
30 янв 2023 10:38
Янгиликлар

"Брайтон" Кайседони "Арсенал"га 70 млн фунтга сотишдан бош тортди

"Sky Sports" хабарига кўра, "Брайтон" "Арсенал"нинг ярим ҳимоячи Мойзес Кайседо бўйича иккинчи таклифини ҳам рад этди.

"Чайкалар" бу гал 21 ёшли эквадорлик футболчини 70 млн фунтга сотишдан бош тортди. Клуб аввалроқ 60 миллион фунтлик таклифни рад этганди.

Гарчи ўйинчининг ўзи жамоасини ўзгартириб, юқорига интилишга ҳаракат қилаётган бўлса-да, "Брайтон" ҳамон футболчи билан хайрлашиш ниятида эмас.

Кайседо "Брайтон"га 2021 йилнинг февралида келиб қўшилган. 2022/23 йилги мавсум у жамоа сафида 21 та ўйинда майдонга тушиб, 1 та гол урди ва 1 та голли узатмани амалга оширди.

Агар "Брайтон" Кайседони "Арсенал"га 70 млн фунт эвазига қўйиб юборса, бу "чайкалар" тарихидаги рекорд савдо бўлади.

Ҳавола :

Манба : Sky Sports

Янгиликларни Телеграмда ўқинг!

Рейтинг: +4