"Бавария" янги бош мураббийи номини расман эълон қилди
13 апр 2018 16:45
Янгиликлар
"Бавария" янги бош мураббийи номини расман эълон қилди
"Бавария" клуби хорватиялик мутахассис Нико Ковач билан 3 йиллик шартнома имзолади.
Нико Ковач айни пайтда Франкфуртнинг "Айнтрахт" жамоасини бошқариб бормоқда. Унинг клуб билан тузган шартномаси 2019 йилга қадар мўлжалланганди. "Бавария" эса "Айнтрахт"га Нико Ковач учун 2,2 миллион евро бадал пулини тўлайди.
Нико Ковач жорий йилнинг 1 июлидан бошлаб "Бавария" бош мураббийи сифатида ишга киришади.
Асли хорватиялик мутахассис фаолиятини катта қисмини айнан Германияда ўтказган. Айни пайтда "Айнтрахт" жамоаси бош мураббийи саналган Ковач ёзда "Бавария" рулига ўтириши деярли ҳал этилди.

Нико Ковач қўл остида жорий мавсумда "Айнтрахт" ажойиб натижалар қайд этмоқда ва жамоа Бундеслигада кучли-учликка кириш учун кураш олиб бормоқда.
Нико Ковач футболчилик фаолиятини Германияда ўтказган. Шунингдек, Нико Ковач 2001-2003 йиллари Оттмар Хицтфельд қўл остида айнан мюнхенликлар таркибида ўйнаган.
Ушбу мутахассис маълум муддат (2013-2015) Хорватия терма жамоаси бош мураббийи сифатида ҳам ишлаган.
46 ёшли мутахассис футболчилик фаолиятида ярим ҳимоя чизиғида ўйнаган.
Ўхшаш янгиликлар
championat.asia
Ла Лига. "Осасуна" ўз майдонида "Реал Мадрид"ни мағлуб этди
Туркия Суперлигаси. "Истанбул Башакшехир" меҳмонда "Аланяспор"ни мағлуб этди, Шомуродов ғалаба голини урди
"Реал" Винисиусга нисбатан ирқчилик ҳақоратлари иши бўйича УЕФАга далилларни топширди
Тьерри Анри Винисиус билан боғлиқ ирқчилик ҳодисаси ҳақида: "Мен "Реал"ни ёқтирмайман, лекин бугун мадридистман"
Фикрлар