"Барселона" Флик билан шартномани узайтирмоқчи

"Diario Sport" маълумотига кўра, клуб президенти Жоан Лапорта, спорт директори Деку мураббийнинг агенти Пини Заҳави билан учрашган ва музокараларни бошлаб юборишган.

Клуб раҳбарияти германиялик мураббийнинг ишидан ҳайратда эканлигини маълум қилган ва унга ишонч сифатида янги ҳафтада шартнома таклиф қилишни ўйлаган. Клуб ва Флик шартномани узайтиришга тайёр. Шартнома муддати эса 2027 йил ёзигача мўлжалланаши кутилмоқда.

Бироқ "Барселона" чиқимлар лимитини камайтирмаса, ушбу шартномани рўйхатдан ўтказа олмайди. Айни дамда клуб асосий эътиборни таркибни кучайтиришга қаратган.