Баҳром Ҳакимов: "Бугунги дуранг ғалабага тенг бўлди"

"Бугун "Сўғдиёна" ғалаба қозонди, бизда дуранг. Сўнгги турда "Сўғдиёна" ва "Бухоро" ўзаро ўйнашади. Биз "Олмалиқ"ни қабул қиламиз. Агар ғалаба қозонсак олий лигада қоламиз. Мақсадимиз мағлуб бўлмаслик эди, камида бир очко олиш эди. Йигитларга вазифани бажаргани учун раҳмат айтаман. Андижонлик мухлислар доим ўз жамоасини қўллаб туришади. Самарқанд клубини жуда қийин аҳволда қабул қилиб олгандим. Таркиб сўнгги паллада йиғилганди. Бугун биринчи гол ўтказдик, аммо таслим бўлмай жавоб тўпини кирита олдик", - дейди "Динамо" устози.

Охирги турда нима қилиб бўлса ҳам ғалаба қозонишимиз керак. Бугунги дуранг ғалабага тенг бўлди дея оламан. Иккинчи даврада сафимизга келган Камолиддин Мурзоев сўнгги кунда заявка қилгандик. Илҳом Юнусов ва Дилшод Шарофетдинов ҳам охирги дақиқаларда сафимизга қўшилишганди. Маматказин ва Агалиев бугун уколлар ёрдамида майдонга тушишди. Шу боис уларни алмаштиришга мажбур бўлдик. Бугун аутсайдерлар ғалаба қозонди? Сўнгги турларда пастдаги жамоаларга кўпроқ очко керак, шундай экан бундан ҳайрон бўлганим йўқ, - дейди Баҳром Ҳакимов.

Комилжон Икромов