Баҳодир Аҳмедов: "Гуруҳдаги энг хавфли рақиб - Афғонистон"
29 июл 2019 17:37
Янгиликлар

Баҳодир Аҳмедов: "Гуруҳдаги энг хавфли рақиб - Афғонистон"

Футзал бўйича Осиё чемпионати-2020 саралаш баҳсларига қуръа ташланганидан хабарингиз бор.

Футзал. ЖЧга йўлланма берадиган Осиё чемпионати саралашига қуръа ташланди

Унга кўра, Ўзбекистон терма жамоаси Марказий & Жанубий зонанинг "A" гуруҳида Тожикистон, Непал ва Афғонистон терма жамоалари билан беллашади. Саралашга ташланган қуръадан кейин терма жамоамиз бош мураббийи Баҳодир Аҳмедовнинг фикрлари билан қизиқдик.

- Биз саралашда кучли гуруҳдан жой олдик. Рақибларимиз орасида энг хавфлиси Афғонистон терма жамоаси. Уларнинг кўплаб футзалчилари Эронда тўп тепишади ва форсларнинг услубида ўйнашади. Тожикистон терма жамоаси ҳақида ҳам илиқ фикрларни билдириш мумкин. Непал ҳақида эса маълумотлар кўп эмас. Охирги қитъа биринчилиги саралашида Непал билан ўйнаганмиз (Осиё чемпионати-2018 саралаши доирасида 2017 йилнинг 15 октябрь санасида терма жамоамиз Непални 14:1 ҳисобида таслим этган). Ўшандан бери уларнинг ўйинини кўрмаганмиз, энди видеоларни олиб ўрганиб чиқамиз.

5 августдан 10 кунлик навбатдаги йиғинга киришамиз. 20 августда эса Ўзбекистон чемпионати 2-давраси старт олади.

29 августдан Россиянинг Нижний Новгород шаҳрида халқаро турнир бошланади. Ушбу турнирда "Спартак" (Москва), Россия U-19 терма жамоаси, Нижний Новгород жамоаси ва биз иштирок этамиз.