Азиз Ғаниев клуби Туркманистонни йирик ҳисобда мағлуб этди
16 окт 2023 14:44
Янгиликлар

Азиз Ғаниев клуби Туркманистонни йирик ҳисобда мағлуб этди

БААнинг Дубай шаҳрида йиғин ўтказаётган Туркманистон терма жамоаси маҳаллий "Шабаб Ал Аҳли" клубига қарши ўртоқлик учрашуви ўтказди.

Мазкур баҳс 4:1 ҳисобида "Шабаб Ал Аҳли" фойдасига ҳал бўлди. Эслатиб ўтамиз, клубнинг ўзбекистонлик ярим ҳимоячиси Азиз Ғаниев айни дамда терма жамоа ихтиёрида бўлиб турибди.

ЖЧ-2026 саралашида Туркманистон терма жамоаси “Е” гуруҳида Эрон ва Ўзбекистон терма жамоалари билан бир гуруҳдан жой олган. Ушбу гуруҳдаги тўртинчи иштирокчи саралашнинг биринчи босқичида доирасидаги Гонконг – Бутан жуфтлиги ғолиби бўлади.

Туркманистон терма жамоаси ЖЧ-2026 финал босқичига йўл олиш учун курашни 16 ноябрь куни бўлиб ўтадиган Ўзбекистонга қарши уй учрашувидан бошлайди.