Азар "Реал"дан кетмоқчи эмас

4 май куни бельгиялик футболчи "қаймоқранглилар"ни тарк этиб, "Челси"га қайтмоқчи эканлиги ҳақида хабарлар тарқалганди.

"Мен ўзимни фақат Реал Мадрид либосида кўраман. Шартномамда ҳали уч йиллик муддат бор. Агар максимал тайёр бўлсам, жамоага кўп нарса бера оламан. Ҳозир бор эътиборимни Европа чемпионатига қаратганман, аммо турнирдан кейин "Реал" учун бор кучимни бераман.

Жорий мавсумдаги ўйинларим кўнгилдагидек бўлмади. Яхши формадалигимда доим барқарор ўйин кўрсаман. Умид қиламанки, менда бошқа жароҳатлар бўлмайди.

Англияга қайтиш вариантини кўриб чиқмаяпман. Барча биладики, "Реал" сафидаги дастлабки икки мавсум мен учун омадсиз кечди, шунинг учун бундан кейин муваффақият қозонишни истайман. Бунинг учун қўлимдан келган ҳамма нарсани қиламан", — Азарнинг сўзларидан иқтибос келтиради Marca.