Андреа Барцальи "Ювентус" мураббийлар штабини тарк этди

39 ёшли италиялик мутахассис ўз оиласи фойдасига танлов қилганини айтди.

"Мен мени йиллар давомида жимгина қўллаб-қувватлаб келган ўз оилам билан кўпроқ вақт ўтказишим кераклигини ҳис қилдим".

Бугун бошқа бир оиламни афзал кўрдим, аммо "Ювентус" ҳам менинг оилам, улар билан доимий алоқада бўламан ва абадий миннатдорман. Тўғри танлов қилдим деб ўйлайман", - деб ёзди Барцальи Инстаграм'даги саҳифасида.

Андреа сентябрь ойидан буён Маурицио Саррининг техник ёрдамчиси бўлиб ишлаб келаётганди. Шундай қилиб, у бир йил ҳам ишламади.