"Ал Насср" юлдузи жамоадан кетмоқчи
15 май 2025 18:58
Янгиликлар

"Ал Насср" юлдузи жамоадан кетмоқчи

Испания терма жамоаси юлдузи ва "Манчестер Сити" собиқ футболчиси Эмерик Ляпорт амалдаги шартномаси ва катта маошига қарамай, Саудия Арабистонининг "Ал Насср" клубини тарк этмоқчи.

"TalkSPORT" хабарига кўра, унинг кетишига ҳимоячининг жамоадаги ҳолатидан норозилиги ва бош мураббий Стефано Пиоли билан келишмовчиликлар сабаб бўлмоқда.

Ляпорт ҳафтасига тахминан 390 минг фунт маош олаётган ва дунёнинг энг кўп маош олувчи 3 нафар ҳимоячисидан бири бўлиб турган бўлса-да, клуб ва муҳитни ўзгартириш учун бу пулдан воз кечишга тайёр. Унинг шартномаси 2026 йилга қадар мўлжалланган, аммо 29 ёшли футболчи муддат охиригача қолиш ниятида эмас.

У жорий мавсум 30 та ўйинда майдонга тушиб, 5 та гол урди, бироқ Криштиану Роналду, Садио Мане ва Жон Дуран каби юлдузларни ичига олган жамоадаги ролидан норози. Шуниси эътиборга лойиқки, ҳатто Роналдунинг борлиги ҳам Ляпортни "Ал Насср"да ушлаб туролмайди.

Эслатиб ўтамиз, Роналдунинг ўзи клубни тарк этиши мумкин. Унинг шартномаси ҳали узайтирилмаган, агар вазият ўзгармаса, португалиялик эркин агентга айланади.

Ҳавола :

Манба : TalkSPORT

Янгиликларни Телеграмда ўқинг!

Рейтинг: +5