U-23 Осиё Кубоги саралаш босқичи. Қирғизистон билан дуранг ўйнаган Ўзбекистоннинг гуруҳида вазият қандай?
07 сен 11:47
Янгиликлар
U-23 Осиё Кубоги саралаш босқичи. Қирғизистон билан дуранг ўйнаган Ўзбекистоннинг гуруҳида вазият қандай?
Равшан Ҳайдаров бошчилигидаги Ўзбекистон U-23 терма жамоаси кеча саралаш босқичи доирасида Қирғизистон билан куч синашди. Дарвозаларга 4 та гол урилган ўйинда 2:2 ҳисобидаги дуранг қайд этилди.
Бу натижадан сўнг вакилларимиз 4 очко билан гуруҳда пешқадам бўлиб турибди, тўплар фарқи +4 кўринишини олган. Биз билан бир хил очко тўплаган Қирғизистонда эса тўплар +1 ҳолатида. Кейинги рақибимиз Фаластинда ҳам имконият сақланиб қолган, уларда 3 очко бор. 3-турда Ўзбекистон 9 сентябрь куни 15:00да Фаластин билан учрашса, шу куни соат 19:00да Қирғизистон Шри-Ланка билан ўйнайди.
Саралашда умумий ҳисобда 11 та гуруҳ мавжуд. Мусобақа регламентига кўра, кейинги босқичга гуруҳ ғолиблари ва энг яхши 4 та иккинчи ўрин эгалари йўлланмани қўлга киритади. 2-турдан сўнг энг яхши 4 та иккинчи ўрин эгалари қаторида Хитой (6 очко, .+11), Эрон (6 очко, +10), Туркманистон (6 очко, +6), Яман (6 очко, +2) бор.

Ўхшаш янгиликлар
championat.asia
ЖЧ-2026га қуръа ташланди. Барча гуруҳлар маълум!
Эшитдик-да! Кападзе Ўзбекистон терма жамоасидан кетди
Плей-офф: "Қўқон-1912" ва "Машъал" Суперлигада қолди
Месси ўз рекордини янгилашда давом этмоқда
Фикрлар