"Нассажи" бош мураббийи: "Навбаҳор"нинг ғалабаси ишқибозлар эффекти сабаб рўй берди деб ўйлайман"

- Футболчиларимни ажойиб ўйин билан табриклайман. Биринчи бўлимда режаларимиз амалга ошди ва таймни ғалаба билан якунладик. Иккинчи бўлимда хатоликлар юз бера бошлади. Ҳакамнинг офсайдни аниқлашдаги кичик хатоси эвазига футболчимизга қизил карточка кўрсатилди. Шунга қарамасдан жамоамиз яхши ўйин кўрсатди, улардан миннатдорман. Бу ўйиндаги мағлубиятимиз кечиктирилган офсайд сабабли рўй берди.

Ушбу баҳсда мухлисларнинг ҳакамга қилган босими ҳисобига рефери кўп хато қилди. Ҳакам хатоси сабаб қизил карточка олдик ва четлатишдан сўнг ўйин ўзгариб кетди. Қизил карточка сабаб мажбурий ўзгаришлар амалга оширдик. Жароҳати бор футболчиларимизни ҳам майдонга туширишга тўғри келди. Агар ҳакам қизил карточка бермаганида, иккинчи голни уриб, баҳсни ғалаба билан якунлар эдик.

Бугунги баҳсдаги натижа фаолиятимдаги энг оғири. Қизил карточкани ҳалигача хазм қила олмаяпман. Офсайд аниқланганидан сўнг ҳакамлар ВАРни кўриб, футболчимизни майдондан четлатяпти. Лекин йигитлар охиригача курашишди, уларга раҳмат айтаман.

- Наманган ҳақидаги таассуротларингиз ва мухлислар яратган атмосфера ҳақида нима дея оласиз?

- Мухлислар жамоани жуда яхши қўллаб-қувватлашди. Ушбу ғалаба ишқибозлар эффекти сабаб рўй берди деб ўйлайман. Ҳакамлар мухлисларнинг босими туфайли хато қилишга мажбур бўлишди. Ўша хато бўлмаганда, ғалаба билан қайтган бўлардик. "Навбаҳор"нинг ғалабаси тўлиғича мухлисларники. Эронлик мухлисларга ҳам раҳмат айтаман. Улар камчилик бўлишига қарамасдан, бизни имкони борича қўллаб туришди.