Расман: "Эстудиантес" Маскеранони таништирди
09 дек 2019 10:44
Янгиликлар

Расман: "Эстудиантес" Маскеранони таништирди

Хавьер Маскерано расман Аргентинанинг "Эстудиантес" клуби футболчиси сифатида таништирилди.

Бу ҳақда клуб матбуот хизмати хабар бермоқда.

35 ёшли футболчи бунга қадар Хитойнинг "Хэбэй Чайна Форчун" клубида ўйнади (25та ўйин, 9та ассист).

Маскерано фаолиятини "Ривер Плейт"да бошлаган (2005 йилга қадар), аммо энг катта ютуқларга "Барселона"да эришди. У "кўк-анорранглилар" билан 5 карра Испания чемпионига айланди.

Эслатиб ўтамиз, "Эстудиантес" Аргентина чемпионатида 15 ўйиндан сўнг 23 очко жамғарган ҳолда жадвалда 11-ўринда бормоқда.