Футзал: Ўзбекистон миллий терма жамоаси EREMни мағлуб этди
22 июл 2019 17:42
Янгиликлар
Футзал: Ўзбекистон миллий терма жамоаси EREMни мағлуб этди
Октябрь ойида бўлиши режалаштирилган футзал бўйича Осиё чемпионати-2020 саралаш баҳсларига ҳозирлик кўраётган Ўзбекистон миллий терма жамоаси пойтахтимизда йиғин ўтказаётганидан хабарингиз бор.
Терма жамоамиз йиғин доирасида 2 та назорат учрашуви ўтказади. Ҳар икки ўйинда ҳам терма жамоамизга қўшни Қирғизистоннинг етакчи клуби – EREM рақиблик қилади.
Бугун дастлабки баҳс “Бунёдкор” академияси залида ташкил этилди. Қизиқарли тарзда кечган ўйинда Баҳодир Аҳмедов ушбу йиғинга жалб этилган барча 18 нафар футзалчини синаб кўрди. Якунда вакилларимиз 6:5 ҳисобида ғалаба қозонишди.
Ўзбекистон м.т.ж. – EREM (Қирғизистон) 6:5
Голлар: Абдулла Солиҳов, Хушнур Эркинов (2), Равшан Исматуллаев, Ботир Ризаев, Суннат Жўраев – Муҳсин Башир (2), Юлдашбай Салимбаев, Сагинндик Акимбаев, Бексултан Назаров.
Иккинчи назорат беллашуви эса 24 июль куни бўлиб ўтади. Таъкидлаш жоиз, ушбу йиғин 26 июль санасига қадар давом этади.

Ўхшаш янгиликлар
championat.asia
Ла Лига. "Реал" ўз уйида "Сельта"га мағлуб бўлди, Гарсия ва Кассерас қизил карточка олди
Месси ўз рекордини янгилашда давом этмоқда
Алонсо кечаги мағлубиятдан сўнг ҳакамни кескин танқид қилди
Ла Лига. "Бетис" ва "Барселона" ўртасидаги ўйинда 8 та гол урилди, Торресдан хет-трик
Фикрлар