Хорватия билан ЖЧ-1998 бронза медалини қўлга киритган мураббий Мирослав Блазевич вафот этди

Мутахассис 88 ёшга тўлишига икки кун қолганида оламдан ўтди. У 2011 йилдан бери простата бези саратони билан курашиб келаётганди.

Блазевич Хорватия терма жамоасидаги фаолияти билан машҳур. У 1994 йилдан 2000 йилгача жамоани бошқарган ва 1998 йил жаҳон чемпионати бронза медалини қўлга киритган.

Мураббий Швейцария, Эрон, Босния ва Герцеговина терма жамоаларида ҳам ишлаган, “Сион”, ПАОК, “Нант”, “Динамо Загреб”, “Хайдук” каби клубларни бошқарган. У 2 карра Хорватия чемпиони, мамлакат кубоги ва суперкубоги ғолиби, шунингдек, Швейцария кубоги соҳиби ва Югославия чемпиони саналади.