Хави ўз штабининг маоши борасида "Барселона" раҳбарияти билан тушунмовчиликка учради

"Mundo Devortivo" хабарига кўра, Хави ва "Барселона" ўртасида янги шартнома борасидаги музокараларда муаммолар бор. Каталония клуби бош мураббийнинг маошини албатта оширади. Бироқ Хави бир вақтнинг ўзида ўз ходимлари, хусусан, ёрдамчилари Оскар Эрнандес ва Серхио Алегре, шунингдек, дарвозабонлар мураббийи Хосе Рамон де ла Фуэнтенинг маоши ошишини истамоқда. "Барселона" раҳбарияти эса Хавининг ўзи пулини ёрдамчилари билан бўлишиши керак деб ҳисобламоқда.

Эслатиб ўтамиз, бош мураббий ва "кўк-анорранглилар" ўртасидаги амалдаги келишув 2024 йилнинг ёзига қадар амал қилади. Хави ўзининг лавозимдаги биринчи тўлиқ мавсумида "Барселона"га тўрт йиллик танаффусдан сўнг Ла Лига чемпионлигини қайтарди.