Виталий Левченко: "Ўртоқлик учрашувларида тушган таркибни оптимал, деб бўлмайди"

Жамоа мазкур йиғин доирасида бугун "Бунёдкор"га қарши иккинчи ўртоқлик учрашувида майдонга тушди (0:1). Айтиш мумкинки, мураббийлар штаби мана шу баҳсларда бир қатор футболчиларни кўрикдан ўтказишди. Хўш, улар жамоада қоладими? Яна қайси чизиқлар кучайтирилиши керак? Бу борада ўйиндан сўнг мураббийнинг фикрлари билан қизиқдик. 

"Бунёдкор" "Нефтчи"га қарши иккинчи назорат учрашувида ғалаба қозонди

— Биринчи йиғинимиз ниҳоясига етди. Ўзимиз учун керакли хулосаларни чиқардик. Ўртоқлик учрашувлари, машғулот жараёнлари режа асосида ўтди, дея оламан. Легионерлар билан бир қаторда ёш иқтидорларни ҳам кўриб олганимизни айтишим мумкин. Йигитлар ўзларига индивидуал яъни якка тартибдаги вазифаларни олишди. 3 январь куни яна Тошкентда йиғилиб 6 январь Туркияга йўл оламиз. 

— Албатта ўртоқлик учрашувларида тушган таркибни оптимал, деб бўлмайди. Шунингдек қандайдир натижа ҳам талаб қилмаймиз. Бунда ўйин формасига кириб бориш муҳим аҳамият касб этади. Табатадзега келсак, ҳужумчини ёздан бошлаб кузатишни бошлаган эдик. У билан барча музокаралар якунланди. Қайси чизиқлар кучаяди? Бутун марказни кучайтиришимиз керак. 

— Аброр ҳақида нима ҳам дердим, у ўз йўлини танлади. Бу унинг қарори. Биргаликда олиб борган иши учун раҳмат айтаман ва омад тилайман.