Варан АПЛдаги даражани баҳолади
27 янв 2022 11:53
Янгиликлар

Варан АПЛдаги даражани баҳолади

"Манчестер Юнайтед" ҳимоячиси Рафаэль Варан АПЛ даражасини юқори баҳолади.

"АПЛдаги курашувчанлик бошқа лигаларникидан фарқ қилади. Бу ердаги тезлик жуда юқори. Ушбу тажриба мен учун жуда фойдали бўлмоқда. Шунингдек, стадиондаги атмосфера менга жуда ёқди. Бу ердаги кураш тўхтамайди, ундан ташқари, футболчиларда доимо позитив кайфият ҳукм суради.
Ҳа, бу ердаги ўйинлар жуда оғир ўтади. Бўшашиш мумкин эмас. Ўйин тугашига 10 дақиқа қолганида ҳам бир-икки голли ғалабалар ҳам бой берилиши мумкин. АПЛ - дунёнинг энг яхши лигаси. Ҳар бир жамоа юқори даражада ўйин кўрсатмоқда.
Бу ердаги тактика даражаси ҳам юқори. Футболчилар ва мураббийлар турли хил давлатлардан. Шу сабабли барча клубларда бир неча давлат маданияти ҳукм суради. Шу сабабли бу лигани энг яхшиси деб ҳисоблайман ва шу боисдан бу ерга футболчилар ошиқиб келаверишади", - деди Варан.

Ҳавола :

Манба : Goal

Янгиликларни Телеграмда ўқинг!

Рейтинг: +12