"Уфа" бош директори: "Ўрунов жуда кучли футболчи. Уни бажонидил қайтариб олган бўлардик"
10 янв 2021 17:51
Янгиликлар

"Уфа" бош директори: "Ўрунов жуда кучли футболчи. Уни бажонидил қайтариб олган бўлардик"

"Уфа" бош директори Ринат Шайбеков клуб Остон Ўруновни "Спартак"дан қайтариб олишни истаётганини айтиб ўтди.

- Айни дамда Ўрунов борасида жуда кўп миш-мишлар бўлмоқда. "Спартак" ундан воз кечганмиш. Уни қайтариш борасида ишлар олиб борилмаяптими?
- Музокаралар олиб бормаяпмиз. У жуда кучли футболчи, ўз вақтида хорижнинг кўплаб жамоаларидан қизиқишлар бўлди. Уни бажонидил қайтариб олган бўлардик. Бироқ бунинг имкони йўқ.

- Сабабини айта оласизми?
- Менимча, "Спартак" уни биз мўлжаллаган суммага бермайди. Уни ижарага олишимиз мумкин. Агент орқали Остоннинг трансфер нархини билдик. Шу сабабли бу ишлар осон кечмайди деб айта оламан.

- Уни Европага тортишнинг иложи борми?
- Европа жуда катта. Болгария ёки Словения бўлиши ҳам, Англия ёки Испания ҳам бўлиши мумкин. Кўрамиз.

Ҳавола :

Манба : Metaratings.ru

Янгиликларни Телеграмда ўқинг!

Рейтинг: +37